漫遊韓國
分享者：
Kary (2019 韓國)
問︰你來自哪裡？
答︰香港。
問︰你什麼時候參加工作假期？
答︰我2018年大學畢業，隨即工作半年及儲錢，然後在2019年2月決定去working holiday。
問︰你曾到哪裡工作假期？為什麼會選擇那個地方為目的地？
答︰韓國。因為讀大學的時候去過韓國exchange（交流）一個學期，覺得好好玩，想體驗多點韓國文化，另一方面亦希望有機會在韓國進修韓文。 記得當時韓國文化好盛行，所以自己想學多一門語言，對日後既工作都可能有幫助。
問︰在工作假期期間，你曾經做過什麼工作？你又有修讀什麼短期課程嗎？
答︰做過guesthouse（旅館）的清潔員、幫手打掃民宿、執床同接待客人等等。我亦有報讀韓國大學開辦既語文學堂進修韓文，亦曾參加坊間既韓文補習班。
問︰哪一個城市的工作經歷令你印象最深刻？
答:其實我做過既工作都係普通清潔工，所以冇乜太特別既工作經歷。但係我可以分享一下我去過既一個城市：全州！記得有一次同朋友去全州一日遊，我地已經好早出發，本身預計搭三個鐘既車程，最後因為大塞車，用左雙倍時間先至去到。不過我覺得係值得既，因為全州係比較歷史悠久既地方，可以觀賞到好多古老村落和傳統韓屋。另外，在回程既時候，我地太大頭蝦，以為落車既車站就係回程車站。雖然我地預早左半個鐘到達車站，但係到準備上車既時候先發現原來去錯車站。千鈞一髮之間，我同成班朋友要狂跑去正確既回程車站，可惜最後都係miss（錯過）左班車。 幸運地，一個鐘後仲有一班尾班車，如果miss埋就返唔到首爾啦。呢次經歷教訓我在人生路不熟既地方，要小心尋找交通資訊，準備周詳先出發。
問︰工作假期為你帶來最大的收穫是什麼？
答︰我覺得最大既收穫係識到好多當地既朋友，完左working holiday之後都仲有繼續聯絡。我亦都了解左好多當地文化和社會現狀，知道於當地旅行同生活讀書有好大分別，因爲在當地搵工作好難，生活其實比想像中艱難。另一方面，我學識左獨立生活，好多生活上好簡單瑣碎既事情，例如： 叫外賣、去銀行申請戶口同埋修理壞左既物件等等，由於當地語言同文化唔同香港，都需要自己一手一腳去做。
問︰對於那些打算到你目的地工作假期的青年人，你能否給他們一些貼士？
答︰出發之前要好好考慮，唔好將working holiday想像得太過美好，工作假期同你去韓國旅行或者exchange好唔同，最好計劃多點先好去。我建議起碼要預備三個月至半年既生活費作應急，因為在當地搵工真係好難，有好多於當地讀大學，精通中文及韓文既中國留學生會同我地爭工做，香港人就算識廣東話、普通話同英文三種語言，去到搵工既優勢都唔大。另外，當地人返PART TIME（兼職）唔會好似香港咁flexible（有彈性）, 可以每個星期都改變返工既時段。當地人係預期你一係返星期一至五；一係返星期六、日，而唔係就你想返工既時段。因為就算你唔得，都大把人去做，所以僱主係唔會遷就你。可以的話，最好在FB搵下工同搵定屋先好去。
問︰還有沒有什麼是你想補充的？
答：/
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
答︰香港。
問︰你什麼時候參加工作假期？
答︰我2018年大學畢業，隨即工作半年及儲錢，然後在2019年2月決定去working holiday。
問︰你曾到哪裡工作假期？為什麼會選擇那個地方為目的地？
答︰韓國。因為讀大學的時候去過韓國exchange（交流）一個學期，覺得好好玩，想體驗多點韓國文化，另一方面亦希望有機會在韓國進修韓文。 記得當時韓國文化好盛行，所以自己想學多一門語言，對日後既工作都可能有幫助。
問︰在工作假期期間，你曾經做過什麼工作？你又有修讀什麼短期課程嗎？
答︰做過guesthouse（旅館）的清潔員、幫手打掃民宿、執床同接待客人等等。我亦有報讀韓國大學開辦既語文學堂進修韓文，亦曾參加坊間既韓文補習班。
問︰哪一個城市的工作經歷令你印象最深刻？
答:其實我做過既工作都係普通清潔工，所以冇乜太特別既工作經歷。但係我可以分享一下我去過既一個城市：全州！記得有一次同朋友去全州一日遊，我地已經好早出發，本身預計搭三個鐘既車程，最後因為大塞車，用左雙倍時間先至去到。不過我覺得係值得既，因為全州係比較歷史悠久既地方，可以觀賞到好多古老村落和傳統韓屋。另外，在回程既時候，我地太大頭蝦，以為落車既車站就係回程車站。雖然我地預早左半個鐘到達車站，但係到準備上車既時候先發現原來去錯車站。千鈞一髮之間，我同成班朋友要狂跑去正確既回程車站，可惜最後都係miss（錯過）左班車。 幸運地，一個鐘後仲有一班尾班車，如果miss埋就返唔到首爾啦。呢次經歷教訓我在人生路不熟既地方，要小心尋找交通資訊，準備周詳先出發。
問︰工作假期為你帶來最大的收穫是什麼？
答︰我覺得最大既收穫係識到好多當地既朋友，完左working holiday之後都仲有繼續聯絡。我亦都了解左好多當地文化和社會現狀，知道於當地旅行同生活讀書有好大分別，因爲在當地搵工作好難，生活其實比想像中艱難。另一方面，我學識左獨立生活，好多生活上好簡單瑣碎既事情，例如： 叫外賣、去銀行申請戶口同埋修理壞左既物件等等，由於當地語言同文化唔同香港，都需要自己一手一腳去做。
問︰對於那些打算到你目的地工作假期的青年人，你能否給他們一些貼士？
答︰出發之前要好好考慮，唔好將working holiday想像得太過美好，工作假期同你去韓國旅行或者exchange好唔同，最好計劃多點先好去。我建議起碼要預備三個月至半年既生活費作應急，因為在當地搵工真係好難，有好多於當地讀大學，精通中文及韓文既中國留學生會同我地爭工做，香港人就算識廣東話、普通話同英文三種語言，去到搵工既優勢都唔大。另外，當地人返PART TIME（兼職）唔會好似香港咁flexible（有彈性）, 可以每個星期都改變返工既時段。當地人係預期你一係返星期一至五；一係返星期六、日，而唔係就你想返工既時段。因為就算你唔得，都大把人去做，所以僱主係唔會遷就你。可以的話，最好在FB搵下工同搵定屋先好去。
問︰還有沒有什麼是你想補充的？
答：/
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)