三十岁前最好嘅决定！
分享者：
Mango (2015-2017 英国)
问︰你来自哪里？
答︰香港。
问︰你什么时候参加工作假期？
答︰2015-2017年。
问︰你曾到哪里工作假期？为什么会选择那个地方为目的地？
答︰其实一直都好想去感受下外国生活，所以自从知道有working holiday（工作假期）呢个计划之后就一直都好想去。初头想去澳洲摘生果，过下一啲同香港唔同嘅生活，不过一直无扚起心肝去做。直至就嚟三十岁，「限期」到喇，先把心一横要出去见识下！嗰时咁啱有朋友都想去英国旅行，而且我一直无去过英国，始终喺英式教育及文化熏陶下成长，所以好想去睇下英国系点，于是就认真实行去英国呢个计划喇！拣去伦敦，系因为觉得佢同香港应该好似，生活唔会闷，会容易啲适应。
问︰在工作假期期间，你曾经做过什么工作？你又有修读什么短期课程吗？
答︰以前喺香港读大学嗰阵连放假都要实习，时间唔多，加上我懒，所以无乜做过part-time（兼职），于是我一心想搵下啲sales（售货员）、waitress（侍应）工作，过一啲同香港唔同嘅生活。到埗后大概个半月，我先搵到第一份喺日本餐厅做waitress及kitchen assistant（厨房助理）嘅工作，除咗上菜仲有机会卷下寿司。之后又做过sales，有机会接触来自不同地方嘅人，见尽唔同人嘅性格，包括客人同同事。最难忘系伦敦工作唔似香港咁拘谨，返工无客人嘅时候，完全系好似「无皇管」咁同同事系咁倾计，一齐plan（计划） day-off（假期）、plan去旅行，放工就一齐去饮嘢、食饭，explore（探索）伦敦，超开心！
问︰请分享你在工作假期中一个最难忘的经历。
答︰最难忘系喺伦敦识到好多唔同国家嘅人，欧洲、美洲、亚洲、澳洲……度度都有，甚至有啲国家系我以前孤陋寡闻从来都无听过！我学到唔同地方嘅文化，仲认识到佢地嘅语言、食物，真系大开眼界！
另外，我亦好好彩识到而家嘅老公，哈哈！佢都系嚟working holiday嘅香港人，我哋系嚟到伦敦先认识大家，真系有缘份！
问︰工作假期为你带来最大的收获是什么？
答︰
得着真系有太多，数都数唔哂。最大体会系觉得香港其实只系一个好细嘅地方，能够接收嘅资讯太少。以前以为自己都叫有睇下世界新闻、英美剧同来自世界各地嘅资讯，都叫做系有啲国际视野。但系嚟到英国，我先发现好多时人地所讲嘅事件、地方、人物……好多嘢我都唔认识，有时我会觉得自己好似喺中学大学完全无学过嘢、无见识过咁。另外又学到待人处事嘅方式，直头成个人都有礼貌咗，「吹水」又叻咗，呢啲都系我觉得一般香港人比较弱嘅地方。
另一个好深嘅体会就系读书喺呢度其实唔系最重要。例如我做Sales嘅时候，其中一个supervisor（主管）好后生，只有廿二岁，因为佢好早出黎做野。有日听佢讲，谂紧几时再去读书。因为佢知道自己想做啲咩，需要进修啲咩。唔同喺香港，个个expect（指望）一定系读完中学、再读大学，出嚟做野先会搵得多钱。但系呢边完全唔系咁嘅concept（概念），读得多书唔等于搵得多钱，相关经验先系最紧要！
另外一个例子系我喺医院工作嘅时候见过嘅实习学生，最老嘅可以系「嫲嫲级」！佢话以前无机会做佢想做嘅野，结婚、凑小朋友、凑孙，到而家终于可以甩到身，有时间去实现自己嘅梦想，所以就读返个大学学位去做物理治疗师。好坚！
问︰对于那些打算到你目的地工作假期的青年人，你能否给他们三个贴士？
答︰
问︰还有没有什么是你想补充的？
答︰一个人去外地工作假期，一定要保护自己应有嘅权利。呢度返工大部分都系够钟就会放工，好少会OT（overtime work，超时工作），就算OT都一定一定要补钟或者补钱！要收工可以大条道理同啲客／老板讲：“ I'm sorry, we have finished work today＂（抱歉，我们今天已经完成工作），大家都会好明白，唔会再chur（强迫）你。
提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。
答︰香港。
问︰你什么时候参加工作假期？
答︰2015-2017年。
问︰你曾到哪里工作假期？为什么会选择那个地方为目的地？
答︰其实一直都好想去感受下外国生活，所以自从知道有working holiday（工作假期）呢个计划之后就一直都好想去。初头想去澳洲摘生果，过下一啲同香港唔同嘅生活，不过一直无扚起心肝去做。直至就嚟三十岁，「限期」到喇，先把心一横要出去见识下！嗰时咁啱有朋友都想去英国旅行，而且我一直无去过英国，始终喺英式教育及文化熏陶下成长，所以好想去睇下英国系点，于是就认真实行去英国呢个计划喇！拣去伦敦，系因为觉得佢同香港应该好似，生活唔会闷，会容易啲适应。
问︰在工作假期期间，你曾经做过什么工作？你又有修读什么短期课程吗？
答︰以前喺香港读大学嗰阵连放假都要实习，时间唔多，加上我懒，所以无乜做过part-time（兼职），于是我一心想搵下啲sales（售货员）、waitress（侍应）工作，过一啲同香港唔同嘅生活。到埗后大概个半月，我先搵到第一份喺日本餐厅做waitress及kitchen assistant（厨房助理）嘅工作，除咗上菜仲有机会卷下寿司。之后又做过sales，有机会接触来自不同地方嘅人，见尽唔同人嘅性格，包括客人同同事。最难忘系伦敦工作唔似香港咁拘谨，返工无客人嘅时候，完全系好似「无皇管」咁同同事系咁倾计，一齐plan（计划） day-off（假期）、plan去旅行，放工就一齐去饮嘢、食饭，explore（探索）伦敦，超开心！
问︰请分享你在工作假期中一个最难忘的经历。
答︰最难忘系喺伦敦识到好多唔同国家嘅人，欧洲、美洲、亚洲、澳洲……度度都有，甚至有啲国家系我以前孤陋寡闻从来都无听过！我学到唔同地方嘅文化，仲认识到佢地嘅语言、食物，真系大开眼界！
另外，我亦好好彩识到而家嘅老公，哈哈！佢都系嚟working holiday嘅香港人，我哋系嚟到伦敦先认识大家，真系有缘份！
问︰工作假期为你带来最大的收获是什么？
答︰
得着真系有太多，数都数唔哂。最大体会系觉得香港其实只系一个好细嘅地方，能够接收嘅资讯太少。以前以为自己都叫有睇下世界新闻、英美剧同来自世界各地嘅资讯，都叫做系有啲国际视野。但系嚟到英国，我先发现好多时人地所讲嘅事件、地方、人物……好多嘢我都唔认识，有时我会觉得自己好似喺中学大学完全无学过嘢、无见识过咁。另外又学到待人处事嘅方式，直头成个人都有礼貌咗，「吹水」又叻咗，呢啲都系我觉得一般香港人比较弱嘅地方。
另一个好深嘅体会就系读书喺呢度其实唔系最重要。例如我做Sales嘅时候，其中一个supervisor（主管）好后生，只有廿二岁，因为佢好早出黎做野。有日听佢讲，谂紧几时再去读书。因为佢知道自己想做啲咩，需要进修啲咩。唔同喺香港，个个expect（指望）一定系读完中学、再读大学，出嚟做野先会搵得多钱。但系呢边完全唔系咁嘅concept（概念），读得多书唔等于搵得多钱，相关经验先系最紧要！
另外一个例子系我喺医院工作嘅时候见过嘅实习学生，最老嘅可以系「嫲嫲级」！佢话以前无机会做佢想做嘅野，结婚、凑小朋友、凑孙，到而家终于可以甩到身，有时间去实现自己嘅梦想，所以就读返个大学学位去做物理治疗师。好坚！
问︰对于那些打算到你目的地工作假期的青年人，你能否给他们三个贴士？
答︰
1)
好老土咁讲句，放胆去做，跳出你嘅comfort zone（舒适圈）！我嚟之前，个个识得我嘅朋友、同事都话我唔似系会一个人去外地做野嘅人。原本我只系谂住留一年，但未玩够于是又再留多一年，签证到期都仲系玩唔够就索性搵埋working visa sponsor（工作签证的赞助）留低，到而家已经喺伦敦生活咗五年啦！
2)
唔驶怕自己英文唔好，因为大家都知英文唔系我地香港人嘅母语，而且绝大多数香港人嘅英文都可以应付到日常生活，一啲都唔失礼！更何况呢度大把人住咗几十年都仲系一句英文都唔识讲（真系有好多）……
3)
有去Working Holiday 嘅谂法就快啲出发啦！Working holiday学到嘅野唔系读书、睇电视、睇blog（网志）同vlog（影片日记）可以学到。我而家谂返，就觉得我以前眼光太窄。世界好大，好多嘢等住我哋去探索发掘，所以趁年轻就唔好放过呢个大好机会啦！
问︰还有没有什么是你想补充的？
答︰一个人去外地工作假期，一定要保护自己应有嘅权利。呢度返工大部分都系够钟就会放工，好少会OT（overtime work，超时工作），就算OT都一定一定要补钟或者补钱！要收工可以大条道理同啲客／老板讲：“ I'm sorry, we have finished work today＂（抱歉，我们今天已经完成工作），大家都会好明白，唔会再chur（强迫）你。
提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。
(Chinese version only)