比旅行更加深入的體驗
By
表哥 (2016-2017 日本)
問：你來自哪裡？
答︰香港。
問：你什麼時候參加工作假期？
答︰2016至2017年。
問：你曾到哪裡工作假期？為什麼會選擇那個地方為目的地？
答︰我去咗日本工作假期。18歲左右去過車展睇日本車，嗰時就開始鍾意日本。我又鍾意飲酒，而日本又有好多居酒屋。所以我好似普通香港人咁間唔時都會去日本旅行，一年去三四次左右。
有一次突然有個親戚問我︰「你平時成日去日本，有冇興趣去日本工作假期？」就係呢個契機，我就決定試吓。當時香港人去日本工作假期一年只有250個位，報名時嘅心態係︰「得就得，唔得就下次。」結果得咗。
問：在工作假期期間，你曾經做過什麼工作？你又有修讀什麼短期課程嗎？
答︰以前每次去完日本旅行，都會有衝動想去學日文，但結果都係冇，只係去咗工聯會上過幾堂，老老實實出發工作假期時我淨係識五十音。嚟到日本，知道自己日文唔得，就去日本語學校上啲短期課程，又可以識吓人，有咩唔明都可以問吓老師問吓同學，否則日常生活一定咩都搞唔掂，申請銀行戶口都搞唔掂。本身只係想學三個月，但諗落覺得得呢種程度嘅日文唔會搵到工，淨係夠旅行，我都想個工作假期係有嘢可以學下，最後讀咗三個課程，由零開始，由淺入深咁讀。
不過其實我一開波就已經搵到工，算係有啲運氣。我喺東京一間居酒屋返工，返夜晚嘅，因為日文程度低，就要做廚房，喺香港從未做過呢行，覺得辛苦過喺香港返工四五倍。辛苦係辛苦，但同時又覺得好新奇，好過癮，都做得好開心。同事全部都係日本人，我一開始日文太差，好難同人溝通，好容易將A誤會成B，有好多搞笑嘢。正常應該靠讀書令日文進步，但我實在唔係讀書人，反而靠工作上領悟得快啲。呢份工做咗差唔多一年。
另外仲有做一份「激安の殿堂」嘅兼職，一開始係做免稅櫃檯，都係用中英文多，但做咗三個月之後，就調咗去食品部，要用好多日文，其實都應付唔到㗎，都係要搵同事幫手，自己有時都會唔好意思，不過做耐咗都慢慢會有個語感。
問：請分享你在工作假期中一個最難忘的經歷。
答︰去滑雪，滑足七日六夜，滑到周身痛呀。以前唔識滑雪，嚟到試吓玩，跟住就上晒癮。會喺東京自己揸車周圍去玩，咩都試吓，睇晒紅葉櫻花，又試過登富士山，仲有喺日本坐成千銀港紙的士都體驗過。
今次去工作假期唔係好似平時去日本旅行咁去大阪、北海道，而係去睇下波，睇J-League（日本職業聯賽）。又有去馬場，日本嘅馬場同香港氣氛好唔同，喺香港係要18歲以上先入得，但日本係可以一家大細入去，好似去野餐嘅感覺。
問：工作假期為你帶來最大的收穫是什麼？
答︰比旅行更加深入嘅體驗。另外就係學識獨立，帶幾多錢去就洗幾多錢，冇得豪玩，唔會亂碌卡。
另外，我諗真係大部份人去到日本，都會畀日本嘅文化感染，壞都會變好，依樣我覺得係最大嘅感受。我喺工作假期期間試過喺地下執到銀包啦，入邊有幾千蚊港幣……講真比著我喺香港執到嘅我一定執走入邊嘅錢然後就掉咗個銀包就算……但係當時嘅我係馬上將個銀包拎去差館，連我自己都唔敢相信。
不過亦都因為咁，去完日本令我防禦意識差咗。人在外地，又唔識日文，好多唔預計會發生嘅嘢都會發生，試過有次自己一個去東京郊區以外睇波，習慣邊睇邊飲啤酒食零食，食晒就拎咗一千円出去再買，銀包呀袋呀都留喺個座位，買完返嚟點知搵唔返自己個位，我日文唔得，用晒google翻譯都問唔到人，結果我就喺另一邊照飲酒睇波，因為我相信實搵得返個袋，結果都真係搵得返。
問：對於那些打算到你目的地工作假期的青年人，你能否給他們三個貼士？
答︰
問：還有沒有什麼是你想補充的？
答︰完咗工作假期後，我再去咗日本讀書，想去晒想去嘅地方，同埋繼續學好日文。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
答︰香港。
問：你什麼時候參加工作假期？
答︰2016至2017年。
問：你曾到哪裡工作假期？為什麼會選擇那個地方為目的地？
答︰我去咗日本工作假期。18歲左右去過車展睇日本車，嗰時就開始鍾意日本。我又鍾意飲酒，而日本又有好多居酒屋。所以我好似普通香港人咁間唔時都會去日本旅行，一年去三四次左右。
有一次突然有個親戚問我︰「你平時成日去日本，有冇興趣去日本工作假期？」就係呢個契機，我就決定試吓。當時香港人去日本工作假期一年只有250個位，報名時嘅心態係︰「得就得，唔得就下次。」結果得咗。
問：在工作假期期間，你曾經做過什麼工作？你又有修讀什麼短期課程嗎？
答︰以前每次去完日本旅行，都會有衝動想去學日文，但結果都係冇，只係去咗工聯會上過幾堂，老老實實出發工作假期時我淨係識五十音。嚟到日本，知道自己日文唔得，就去日本語學校上啲短期課程，又可以識吓人，有咩唔明都可以問吓老師問吓同學，否則日常生活一定咩都搞唔掂，申請銀行戶口都搞唔掂。本身只係想學三個月，但諗落覺得得呢種程度嘅日文唔會搵到工，淨係夠旅行，我都想個工作假期係有嘢可以學下，最後讀咗三個課程，由零開始，由淺入深咁讀。
不過其實我一開波就已經搵到工，算係有啲運氣。我喺東京一間居酒屋返工，返夜晚嘅，因為日文程度低，就要做廚房，喺香港從未做過呢行，覺得辛苦過喺香港返工四五倍。辛苦係辛苦，但同時又覺得好新奇，好過癮，都做得好開心。同事全部都係日本人，我一開始日文太差，好難同人溝通，好容易將A誤會成B，有好多搞笑嘢。正常應該靠讀書令日文進步，但我實在唔係讀書人，反而靠工作上領悟得快啲。呢份工做咗差唔多一年。
另外仲有做一份「激安の殿堂」嘅兼職，一開始係做免稅櫃檯，都係用中英文多，但做咗三個月之後，就調咗去食品部，要用好多日文，其實都應付唔到㗎，都係要搵同事幫手，自己有時都會唔好意思，不過做耐咗都慢慢會有個語感。
問：請分享你在工作假期中一個最難忘的經歷。
答︰去滑雪，滑足七日六夜，滑到周身痛呀。以前唔識滑雪，嚟到試吓玩，跟住就上晒癮。會喺東京自己揸車周圍去玩，咩都試吓，睇晒紅葉櫻花，又試過登富士山，仲有喺日本坐成千銀港紙的士都體驗過。
今次去工作假期唔係好似平時去日本旅行咁去大阪、北海道，而係去睇下波，睇J-League（日本職業聯賽）。又有去馬場，日本嘅馬場同香港氣氛好唔同，喺香港係要18歲以上先入得，但日本係可以一家大細入去，好似去野餐嘅感覺。
問：工作假期為你帶來最大的收穫是什麼？
答︰比旅行更加深入嘅體驗。另外就係學識獨立，帶幾多錢去就洗幾多錢，冇得豪玩，唔會亂碌卡。
另外，我諗真係大部份人去到日本，都會畀日本嘅文化感染，壞都會變好，依樣我覺得係最大嘅感受。我喺工作假期期間試過喺地下執到銀包啦，入邊有幾千蚊港幣……講真比著我喺香港執到嘅我一定執走入邊嘅錢然後就掉咗個銀包就算……但係當時嘅我係馬上將個銀包拎去差館，連我自己都唔敢相信。
不過亦都因為咁，去完日本令我防禦意識差咗。人在外地，又唔識日文，好多唔預計會發生嘅嘢都會發生，試過有次自己一個去東京郊區以外睇波，習慣邊睇邊飲啤酒食零食，食晒就拎咗一千円出去再買，銀包呀袋呀都留喺個座位，買完返嚟點知搵唔返自己個位，我日文唔得，用晒google翻譯都問唔到人，結果我就喺另一邊照飲酒睇波，因為我相信實搵得返個袋，結果都真係搵得返。
問：對於那些打算到你目的地工作假期的青年人，你能否給他們三個貼士？
答︰
1)
放膽去就得喇，趁後生乜都試吓啦。
2)
學日文。
3)
識埋普通話會好啲，但我啲普通話都唔得。
問：還有沒有什麼是你想補充的？
答︰完咗工作假期後，我再去咗日本讀書，想去晒想去嘅地方，同埋繼續學好日文。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)