跟尼采說 -《法國篇》
By
Tom (2018 法國)
問︰你來自哪裡？
答︰香港。
問︰你什麼時候參加工作假期？
答︰2018年。其實揀邊個月出發都好重要！我喺聖誕節前裸辭、一月到埗，當時天氣凍又成日落雨，加上人生路不熟，心情難免受影響。如果有得再揀過，我會想喺春天或夏天出發。
問︰你曾到哪裡工作假期？為什麼會選擇那個地方為目的地？
答︰法國巴黎，因為我由細到大都好「迷」法國文化、電影、藝術、建築……同法國菜！我有一個Bucket list（願望清單），列出咗好多自己去到法國一定要做嘅事情：調配屬於自己嘅香水、海邊即開即食生蠔、參觀葡萄園飲香檳、尋找畫家梵高（Vincent van Gogh）同莫奈（Claude Monet）嘅足跡……其實為自己設定目標同埋諗定一啲想做嘅事情，去working holiday（工作假期）都會充實啲，日後仲可以回憶返！
問︰在工作假期期間，你曾經做過什麼工作？你又有修讀什麼短期課程嗎？
答︰
做過兩份工。初初到埗做保姆，錢唔太多。當時都只係諗住搵啲零用錢「騎牛搵馬」，但其實呢段經歷對我喺法國生活有好大幫助。果陣搵到一個好好嘅法國人家庭，我負責幫佢哋湊兩個小朋友，佢地知我人在異鄉無人無物，仲叫埋我一齊慶祝新年，最後辭職嘅時候佢地都好唔捨得我……之後法文好咗，就轉咗去老佛爺百貨（Galeries Lafayette）做sales（售貨員）。老佛爺同春天百貨（Printemps）呢類老牌百貨公司長期都需要識中文嘅員工，而且人工同福利都好好，如果本身有零售工作經驗可以不妨一試。起初保姆中介提供所有免費法文班，所以唔洗額外畀錢上堂，而且仲可以識到來自世界各地嘅「同路人」。
問︰請分享你在工作假期中一個最難忘的經歷。
答︰
我喺法國有好多難忘嘅「第一次」。最難忘係喺巴黎街頭畀一群持刀嘅阿拉伯人士意圖打劫，最後用盡全力跑走脫險。香港人危險意識有時太低，因為香港實在太安全，經歷過一次死亡威脅，日後外出都會加倍小心。至於開心難忘嘅經歷實在太多，好似去Mont Saint Michelle（聖米歇爾山）睇天空之鏡日落、親身到訪梵高之墓（Tombe de Van Gogh）、第一次係阿爾卑斯山（Alps）睇雪同行山……呢啲體驗都係畢生難忘！
問︰工作假期為你帶來最大的收穫是什麼？
答︰
外在嚟講，我識到一班來自世界各地嘅好朋友，人在異鄉有咩事一班好朋友可以幫到你、陪伴你，出外靠朋友係真架！內在嘅，working holiday絕對鍛練到我對逆境嘅韌力，變得更加獨立。因為有好多事情都要靠自己，而且體驗過外地生活、同不同文化背景嘅人相處過，見識到一啲「歐遊」唔會睇到嘅事，你發現個世界真係好大，明白過去嘅自己其實好「井底蛙」，同時學識與人相處嘅技巧同點樣面對文化差異。
問︰對於那些打算到你目的地工作假期的青年人，你能否給他們一些貼士？
答︰
問︰還有沒有什麼是你想補充的？
答︰如果有任何關於法國工作假期嘅問題，歡迎到我的Facebook專頁發問。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
答︰香港。
問︰你什麼時候參加工作假期？
答︰2018年。其實揀邊個月出發都好重要！我喺聖誕節前裸辭、一月到埗，當時天氣凍又成日落雨，加上人生路不熟，心情難免受影響。如果有得再揀過，我會想喺春天或夏天出發。
問︰你曾到哪裡工作假期？為什麼會選擇那個地方為目的地？
答︰法國巴黎，因為我由細到大都好「迷」法國文化、電影、藝術、建築……同法國菜！我有一個Bucket list（願望清單），列出咗好多自己去到法國一定要做嘅事情：調配屬於自己嘅香水、海邊即開即食生蠔、參觀葡萄園飲香檳、尋找畫家梵高（Vincent van Gogh）同莫奈（Claude Monet）嘅足跡……其實為自己設定目標同埋諗定一啲想做嘅事情，去working holiday（工作假期）都會充實啲，日後仲可以回憶返！
問︰在工作假期期間，你曾經做過什麼工作？你又有修讀什麼短期課程嗎？
答︰
做過兩份工。初初到埗做保姆，錢唔太多。當時都只係諗住搵啲零用錢「騎牛搵馬」，但其實呢段經歷對我喺法國生活有好大幫助。果陣搵到一個好好嘅法國人家庭，我負責幫佢哋湊兩個小朋友，佢地知我人在異鄉無人無物，仲叫埋我一齊慶祝新年，最後辭職嘅時候佢地都好唔捨得我……之後法文好咗，就轉咗去老佛爺百貨（Galeries Lafayette）做sales（售貨員）。老佛爺同春天百貨（Printemps）呢類老牌百貨公司長期都需要識中文嘅員工，而且人工同福利都好好，如果本身有零售工作經驗可以不妨一試。起初保姆中介提供所有免費法文班，所以唔洗額外畀錢上堂，而且仲可以識到來自世界各地嘅「同路人」。
問︰請分享你在工作假期中一個最難忘的經歷。
答︰
我喺法國有好多難忘嘅「第一次」。最難忘係喺巴黎街頭畀一群持刀嘅阿拉伯人士意圖打劫，最後用盡全力跑走脫險。香港人危險意識有時太低，因為香港實在太安全，經歷過一次死亡威脅，日後外出都會加倍小心。至於開心難忘嘅經歷實在太多，好似去Mont Saint Michelle（聖米歇爾山）睇天空之鏡日落、親身到訪梵高之墓（Tombe de Van Gogh）、第一次係阿爾卑斯山（Alps）睇雪同行山……呢啲體驗都係畢生難忘！
問︰工作假期為你帶來最大的收穫是什麼？
答︰
外在嚟講，我識到一班來自世界各地嘅好朋友，人在異鄉有咩事一班好朋友可以幫到你、陪伴你，出外靠朋友係真架！內在嘅，working holiday絕對鍛練到我對逆境嘅韌力，變得更加獨立。因為有好多事情都要靠自己，而且體驗過外地生活、同不同文化背景嘅人相處過，見識到一啲「歐遊」唔會睇到嘅事，你發現個世界真係好大，明白過去嘅自己其實好「井底蛙」，同時學識與人相處嘅技巧同點樣面對文化差異。
問︰對於那些打算到你目的地工作假期的青年人，你能否給他們一些貼士？
答︰
1)
要勇於嘗試。人一世物一世，有啲嘢你而家去working holiday都唔去做，三十歲後就更加未必有機會再試，例如趁機會去多幾次旅行、識多啲外國朋友同畀心機學好一種新嘅語言。
2)
要嘗試同外國人做朋友。去到外國就係要體驗生活，有好多生活細節，例如本地人先知嘅餐廳、俗語、文化等等，可能都要自己摸索或者靠本地人介紹先知道或體驗到。
3)
遇到困難記住：呢個都係磨練之一！我成日都講：「最大不了，咪返香港囉！」有一個隨時歡迎你嘅家係好幸福。好好享受工作假期期間嘅所有高低起伏啦！
問︰還有沒有什麼是你想補充的？
答︰如果有任何關於法國工作假期嘅問題，歡迎到我的Facebook專頁發問。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)