Still alive的工作享樂體驗

By
Callista (2022-2023 加拿大)


問︰你來自哪裡？
答︰香港。

問︰你什麼時候參加工作假期？
答：2022年2月至2023年4月。

問︰你曾到哪裡工作假期？為什麼會選擇那個地方為目的地？
答︰加拿大。當時covid （疫情）經歷3年，一直想去工作假期，但又無國家開放。每日都睇電腦睇吓有咩國家開，咁啱見到加拿大開放工作假期就即刻報名。

問︰在工作假期期間，你曾經做過什麼工作？你又有修讀什麼短期課程嗎？
答︰我做過housekeeper（房務員）清潔酒店房，room checker就係housekeeper，清潔完你要檢查間房夠唔夠乾淨先可以讓客人入住；還當過服裝店銷售員，酒店餐廳服務員及黃刀鎮導遊。

問：請分享你在工作假期中的難忘經歷。
答：其實有好多經歷都好難忘，就唯有揀2樣
  1. 8月係班夫(Banff) 行cascade mountain（喀斯喀特山脈），當地著名地標。行到夜晚8點幾仲未落到山(夏天太陽9點幾先落山)，我右邊膝蓋嘅舊患超痛，行幾步就痛到要休息幾分鐘，無辦法繼續，唯有call 直升機救援。所以行山真係要量力而為！
  2. 冬天嘅黃刀會零下40度，體感零下50度。頭髮眼睫毛會結冰，要係咁凍嘅天氣幫客人影北極光，一世都記得個種又凍又拮嘅感覺，仲有手指腳趾就嚟無知覺嘅感覺！


問：工作假期為你帶來最大的收穫是什麽？
答︰
-
個人成長。係香港唔駛清潔洗衫煮飯洗碗，一開始連點洗衫都打返屋企問，到所有野都自己做。
- 
學識踩單車，玩snowboard，體驗各行各業嘅辛苦同樂在其中，睇北極光睇到厭(其實唔會厭)，體驗零下40度嘅生活，又識揸雪地電單車，狗拉雪橇，冰釣魚，係結冰嘅湖揸車，仲有識到一大班好朋友。
- 
而當中最大收穫係知道爸爸媽媽真係好錫我，原來要工作去玩，仲要打理屋企嘅嘢都幾攰，原來我都懶咗好多年。

問：對於那些打算到你目的地工作假期的青年人，你能否給他們一些貼士？
答：
  1. 加拿大有好多城市，每個城市都有佢嘅特色。所以可以諗吓自己想體驗啲咩，再揀城市同工作。只要唔怕辛苦肯學習，一定搵到工作。
  2. 搵工嘅時候可以睇下有冇提供員工宿舍，租金平啲之餘，又可以認識多啲人。
  3. 如果想買滑雪用品，冬季用品，戶外用品之類，可以考慮去二手店同上Facebook 嘅buy and sell睇吓有冇合適嘅，橫掂只係用短短一年，可以慳少少錢。


問︰還有沒有什麽是你想補充的？
答︰如果想擴闊眼界，工作假期真係一個好好嘅機會。如果再有機會，我一定會提早開始，咁就可以去多幾個國家。

提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)

  Back