工作假期理想与现实
分享者：
蓝橘子 (2013-2014 澳洲)
问：你来自哪里？
答︰香港。
问：你什么时候参加工作假期？
答︰2013-2014。
问：你曾到哪里工作假期？为什么会选择那个地方为目的地？
答︰纯粹因为较多人选择去澳洲工作假期，而且我又唔想选择亚洲地区，因为想感受一下更加唔同嘅生活文化。
问：在工作假期期间，你曾经做过什么工作？你又有修读什么短期课程吗？
答︰做过好多香港无乜机会做到嘅工种。农场摘豆、摘士多啤梨、剪葡萄枝、杏仁农场……又做过街场卖菜、餐厅侍应……
农场最辛苦系要日晒雨淋，动作要快。例如剪葡萄枝，有啲好似手腕咁粗，每日不停地剪足八个钟，一星期后手指关节痛到发唔到力，但无计，一定要继续做。
摘士多啤梨听落好好玩，香港都有人畀钱入农场摘。但真实嘅士多啤梨农场系需要你每日跪喺地下十个钟，不停邬低身摘。
香港人比较少运动，相比起其他地方嚟工作假期嘅人例如台湾，好多人毕业后当兵两年就去工作假期，香港人体力上会比较输蚀。
虽然香港都一样有农场有街市，你可以去体验。但对方见你咁年轻，街市都未必会请你。
虽然工作好辛苦，但一定要继续做，因为有工返已经好幸运，屋租、油钱、伙食……一切开支都无得靠其他人，唔似喺香港至少有个屋企可以返。
问：请分享你在工作假期中一个最难忘的经历。
答︰打完工赚完钱之后，喺后半年大约用咗两个月时间左右同我女朋友去环澳（我系同我女朋友两个人去架）。我环澳嘅方式系揸车，谂住沿住个岛嘅边边，由下面西澳环到去东澳咁样。去到差唔多最后一站到咗Cairns（凯恩斯），当日参加咗个玩急流撑艇嘅Tour（旅游团），点知玩完之后，发现架车突然间挞、唔、着呀！
因为当时玩激流嘅地点系个森林咁嘅物体嚟嘅，所以周围都搵唔到人帮手。其中一个急流教练好好人，带咗我哋去附近露营嘅地方搵人帮手，佢仲放弃咗跟返自己tour旅游巴走嘅机会，而系选择留喺营地救我地走！佢已经系破釜沉舟架喇，如果佢帮唔到我地嘅话就连佢自己都走唔到，因为佢系打算帮我地整完架车之后坐埋我地架车返去佢工作嘅地点。咁最尾喺营地都借到电线，叉得返电，而架车都好好彩，挞得返着！
咁之后谂住冇事啦，因为叉咗电之后，架车理论上系会一路行一路自己叉，咁谂住冇事，点知落到市区喺我同女朋友差唔多返酒店之前，发觉架车……
又再次挞、唔、着！
今次仲要冇咗个教练喎（佢已经走左喇），嗰阵我哋仲要喺路中心呀！我同女朋友完全唔知点算，惟有打晒灯将架车停喺路中心。之后好多人路过都帮手（可能因为我哋阻街啦，哈哈），帮我哋推埋架车去路边先，又问我哋发生咩事，佢哋又帮我哋继续借电线咁样。
我最记得嘅，系个中年女人。
呢位太太落咗车帮我哋搵咗条叉电线，再用另一架车过电落我哋架车度。佢当时停咗喺路边好耐，同埋佢帮我哋推车个阵，推到成只脚都系泥，因为推咗上路边嘅草地，佢成只脚都畀湿泥整到污糟晒。我同女朋友都好唔好意思，谂住话ok架喇我地自己搞得掂，但佢话︰「唔得！我帮你哋手啦！」就系咁，佢就同我哋一齐喺路边，一齐截停啲车问吓边架车有嗰条叉电线。
到最尾都系借到条叉电线嘅，但系喺返酒店嘅路程呢，断断续续咁我架车都系……挞唔着。
咁最后一次挞唔着就系，都系喺路中心啰！我同女朋友惟有夹手夹脚推返好啲架车先，但系周围啲人见到，即使系另一条街或者对头车嗰啲，佢哋都会泊埋架车喺侧边，跟住跑过嚟帮我哋手。有个西装友埋嚟睇吓我哋架车咩事，仲帮我哋call咗个整车师傅即刻过嚟整。最后整车师傅话我架车嘅电池直头坏左，就唔关叉唔叉到电事，要换就要成粒电池换过新嘅。哗！计过价钱好贵呀，倒不如直接弃咗架车去，将架车好平地卖咗去，赚返啲旅费。
其实Cairns本身唔系我哋最后一站嚟，最后一站系谂住去埋澳洲中间嘅Uluru（乌鲁鲁），谂住睇吓呢个地球嘅中心咁啦，但因为今次坏车，我哋啲钱又用得七七八八喇，最后都系去唔到。系好遗憾嘅，但系呢件事感触好大，我同女朋友都冇乜唔开心，因为受过太多人帮助，佢哋帮完你临走又会讲声Good luck（祝你好运）呀咁，真系觉得好感动呀呢件事，我谂喺香港就难啲遇到呢啲事，好少会有人咁主动离远冲埋嚟帮你手，所以就好深刻。
问：工作假期为你带来最大的收获是什么？
答︰呢一年工作假期呢，我觉得最大嘅收获唔系话赚到几多钱，因为我本身都打算环澳，去完澳洲又会去埋New Zealand（新西兰），已经谂住会用晒啲钱架喇。所以只不过当头嗰半年至九个月系用嚟赚个旅费。
咁最大收获就系觉得——喺澳洲嘅生活好简单。香港嘅生活都简单，因为香港人一出世就系储钱买楼架喇，所以都好简单架！但系喺澳洲嘅简单系唔同嘅，过咗嗰边时嘅目标短期啲，例如你头半年做嘢系为咗之后去一个旅行，生活变得好简单。
另一个最大收获就系呢……可能我个人犯贱，去到一啲外国地方会更加钟意咗香港。因为觉得香港都唔系咁衰架喎，好多都好好架喎，呢个就系我嘅感觉。
其实返到嚟香港之后，好多人都问我，究竟呢一年赚咗几多钱。咁或者有啲朋友真系为咗赚钱而去澳洲嘅，我就觉得睇你想点样赚啦，成世流流长，其实你喺香港都可以赚返同样嘅钱，唔系去到澳洲先好似掘金咁去赚钱，只不过喺澳洲你少咗娱乐，可以洗少咗钱咁解（咁当然佢时薪就高过香港啦）。咁横掂喺香港都可以储到钱嘅，又难得有一年时间去外国接触唔同嘢，我自己觉得你去感受会好过赚钱。因为有啲人真系悭钱悭到日日食个杯面食碗麦皮又过一日，同埋佢地即使放假都唔会去边度玩，为咗悭钱，佢地只会喺间房度玩电脑又过一日。我觉得你呢一年，畀你赚到十万又点啫？你返到香港就系得呢十万咋喎。但系我而家赚到一个我成世都记得嘅回忆喎，我觉得系重要过钱。
问：对于那些打算到你目的地工作假期的青年人，你能否给他们三个贴士？
答：
问：还有没有什么是你想补充的？
答︰如果你，或者好多年轻人，大学毕业读完书，又暂时未搵到嘢做，考虑紧到底去唔去working holiday好呢，咁我就其实好鼓励大家去嘅。因为你去都系一年或者两年嘅事，到你迟啲先谂，一来过咗个年龄限制啦，二来即使工作假期冇个年龄限制，过咗30岁你嘅现实生活可能唔会容许你咁自由去另一个地方生活一年。你身边可能有伴侣呀家庭呀，有一笔生活嘅开支喺度，就冇咁容易走架喇。所以你把握住你嘅年轻，去玩一年啦！
同埋，想提醒返大家，唔好对工作假期存在咁多美好嘅幻想。
因为我当年都系睇得多台湾人嗰啲blog啦，就觉得去工作假期好开心咁喎，见到佢地笑咪咪咁影相，好似每日都好好玩咁样。但其实个现实唔系咁架，只不过台湾人个文化比较乐观啦，佢哋写啲嘢成日写到好好玩咁。但事实系去到做嘢其实好辛苦架，唔系玩玩下摘士多啤梨好开心又过一日，因为摘得慢就会炒你架喇。咁当然辛苦之余都有好多得着嘅，所以我都好鼓励大家去，但系就唔好太多幻想喇。
提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。
答︰香港。
问：你什么时候参加工作假期？
答︰2013-2014。
问：你曾到哪里工作假期？为什么会选择那个地方为目的地？
答︰纯粹因为较多人选择去澳洲工作假期，而且我又唔想选择亚洲地区，因为想感受一下更加唔同嘅生活文化。
问：在工作假期期间，你曾经做过什么工作？你又有修读什么短期课程吗？
答︰做过好多香港无乜机会做到嘅工种。农场摘豆、摘士多啤梨、剪葡萄枝、杏仁农场……又做过街场卖菜、餐厅侍应……
农场最辛苦系要日晒雨淋，动作要快。例如剪葡萄枝，有啲好似手腕咁粗，每日不停地剪足八个钟，一星期后手指关节痛到发唔到力，但无计，一定要继续做。
摘士多啤梨听落好好玩，香港都有人畀钱入农场摘。但真实嘅士多啤梨农场系需要你每日跪喺地下十个钟，不停邬低身摘。
香港人比较少运动，相比起其他地方嚟工作假期嘅人例如台湾，好多人毕业后当兵两年就去工作假期，香港人体力上会比较输蚀。
虽然香港都一样有农场有街市，你可以去体验。但对方见你咁年轻，街市都未必会请你。
虽然工作好辛苦，但一定要继续做，因为有工返已经好幸运，屋租、油钱、伙食……一切开支都无得靠其他人，唔似喺香港至少有个屋企可以返。
问：请分享你在工作假期中一个最难忘的经历。
答︰打完工赚完钱之后，喺后半年大约用咗两个月时间左右同我女朋友去环澳（我系同我女朋友两个人去架）。我环澳嘅方式系揸车，谂住沿住个岛嘅边边，由下面西澳环到去东澳咁样。去到差唔多最后一站到咗Cairns（凯恩斯），当日参加咗个玩急流撑艇嘅Tour（旅游团），点知玩完之后，发现架车突然间挞、唔、着呀！
因为当时玩激流嘅地点系个森林咁嘅物体嚟嘅，所以周围都搵唔到人帮手。其中一个急流教练好好人，带咗我哋去附近露营嘅地方搵人帮手，佢仲放弃咗跟返自己tour旅游巴走嘅机会，而系选择留喺营地救我地走！佢已经系破釜沉舟架喇，如果佢帮唔到我地嘅话就连佢自己都走唔到，因为佢系打算帮我地整完架车之后坐埋我地架车返去佢工作嘅地点。咁最尾喺营地都借到电线，叉得返电，而架车都好好彩，挞得返着！
咁之后谂住冇事啦，因为叉咗电之后，架车理论上系会一路行一路自己叉，咁谂住冇事，点知落到市区喺我同女朋友差唔多返酒店之前，发觉架车……
又再次挞、唔、着！
今次仲要冇咗个教练喎（佢已经走左喇），嗰阵我哋仲要喺路中心呀！我同女朋友完全唔知点算，惟有打晒灯将架车停喺路中心。之后好多人路过都帮手（可能因为我哋阻街啦，哈哈），帮我哋推埋架车去路边先，又问我哋发生咩事，佢哋又帮我哋继续借电线咁样。
我最记得嘅，系个中年女人。
呢位太太落咗车帮我哋搵咗条叉电线，再用另一架车过电落我哋架车度。佢当时停咗喺路边好耐，同埋佢帮我哋推车个阵，推到成只脚都系泥，因为推咗上路边嘅草地，佢成只脚都畀湿泥整到污糟晒。我同女朋友都好唔好意思，谂住话ok架喇我地自己搞得掂，但佢话︰「唔得！我帮你哋手啦！」就系咁，佢就同我哋一齐喺路边，一齐截停啲车问吓边架车有嗰条叉电线。
到最尾都系借到条叉电线嘅，但系喺返酒店嘅路程呢，断断续续咁我架车都系……挞唔着。
咁最后一次挞唔着就系，都系喺路中心啰！我同女朋友惟有夹手夹脚推返好啲架车先，但系周围啲人见到，即使系另一条街或者对头车嗰啲，佢哋都会泊埋架车喺侧边，跟住跑过嚟帮我哋手。有个西装友埋嚟睇吓我哋架车咩事，仲帮我哋call咗个整车师傅即刻过嚟整。最后整车师傅话我架车嘅电池直头坏左，就唔关叉唔叉到电事，要换就要成粒电池换过新嘅。哗！计过价钱好贵呀，倒不如直接弃咗架车去，将架车好平地卖咗去，赚返啲旅费。
其实Cairns本身唔系我哋最后一站嚟，最后一站系谂住去埋澳洲中间嘅Uluru（乌鲁鲁），谂住睇吓呢个地球嘅中心咁啦，但因为今次坏车，我哋啲钱又用得七七八八喇，最后都系去唔到。系好遗憾嘅，但系呢件事感触好大，我同女朋友都冇乜唔开心，因为受过太多人帮助，佢哋帮完你临走又会讲声Good luck（祝你好运）呀咁，真系觉得好感动呀呢件事，我谂喺香港就难啲遇到呢啲事，好少会有人咁主动离远冲埋嚟帮你手，所以就好深刻。
问：工作假期为你带来最大的收获是什么？
答︰呢一年工作假期呢，我觉得最大嘅收获唔系话赚到几多钱，因为我本身都打算环澳，去完澳洲又会去埋New Zealand（新西兰），已经谂住会用晒啲钱架喇。所以只不过当头嗰半年至九个月系用嚟赚个旅费。
咁最大收获就系觉得——喺澳洲嘅生活好简单。香港嘅生活都简单，因为香港人一出世就系储钱买楼架喇，所以都好简单架！但系喺澳洲嘅简单系唔同嘅，过咗嗰边时嘅目标短期啲，例如你头半年做嘢系为咗之后去一个旅行，生活变得好简单。
另一个最大收获就系呢……可能我个人犯贱，去到一啲外国地方会更加钟意咗香港。因为觉得香港都唔系咁衰架喎，好多都好好架喎，呢个就系我嘅感觉。
其实返到嚟香港之后，好多人都问我，究竟呢一年赚咗几多钱。咁或者有啲朋友真系为咗赚钱而去澳洲嘅，我就觉得睇你想点样赚啦，成世流流长，其实你喺香港都可以赚返同样嘅钱，唔系去到澳洲先好似掘金咁去赚钱，只不过喺澳洲你少咗娱乐，可以洗少咗钱咁解（咁当然佢时薪就高过香港啦）。咁横掂喺香港都可以储到钱嘅，又难得有一年时间去外国接触唔同嘢，我自己觉得你去感受会好过赚钱。因为有啲人真系悭钱悭到日日食个杯面食碗麦皮又过一日，同埋佢地即使放假都唔会去边度玩，为咗悭钱，佢地只会喺间房度玩电脑又过一日。我觉得你呢一年，畀你赚到十万又点啫？你返到香港就系得呢十万咋喎。但系我而家赚到一个我成世都记得嘅回忆喎，我觉得系重要过钱。
问：对于那些打算到你目的地工作假期的青年人，你能否给他们三个贴士？
答：
1)
唔好咁快放弃住！有好多人都系嚟到澳洲两三个月就会走架喇，因为佢哋手头上啲钱已经用晒，又搵唔到工喎，咁就放弃返返香港。咁其实佢哋呢两个月系白费架喎。
2)
同埋最要小心嘅系，唔好畀人呃钱。其实澳洲working holiday做嘢呢，有好多都系黑工嚟架。白工就系似我哋平时喺香港返工咁，有少少保障，有医疗保障呀、有最低薪金、有最长工时呀，呢啲叫白工。
3)
咁咩叫黑工呢？黑工系会有个工头既，例如系一份农场嘅工作啦，农场嗰边就净系会同个工头沟通，等个工头搵人畀佢，然后个农场主人出粮都净系出畀工头，唔会出畀我地。工头就喺我哋薪水度呢度执一蚊嗰度执一蚊咁去赚钱，当一个工头睇三四个农场，每个农场十零廿个人，咁你谂下，佢一个钟每人执一蚊都六七十蚊澳纸一个钟喇喎。但系跟工头有一定危险性，因为你哋之间系冇合约架！佢随时会走数架！佢可以直情唔出粮跟住熄电话，你根本就冇办法搵到佢。听过有个工头拎晒啲钱赌钱，输晒就搬去另一间屋照搵另一批人返工，继续营运佢嘅农场，但你地啲人工佢就全部走晒数喇。呢个要小心，但现实就系好难搵到白工，因为好多农场或者工场都畀黑工工头占据晒。咁惟有追紧啲粮呀租金呀押金呀，熟知吓个工头住边知佢电话号码，你就会容易啲追。
问：还有没有什么是你想补充的？
答︰如果你，或者好多年轻人，大学毕业读完书，又暂时未搵到嘢做，考虑紧到底去唔去working holiday好呢，咁我就其实好鼓励大家去嘅。因为你去都系一年或者两年嘅事，到你迟啲先谂，一来过咗个年龄限制啦，二来即使工作假期冇个年龄限制，过咗30岁你嘅现实生活可能唔会容许你咁自由去另一个地方生活一年。你身边可能有伴侣呀家庭呀，有一笔生活嘅开支喺度，就冇咁容易走架喇。所以你把握住你嘅年轻，去玩一年啦！
同埋，想提醒返大家，唔好对工作假期存在咁多美好嘅幻想。
因为我当年都系睇得多台湾人嗰啲blog啦，就觉得去工作假期好开心咁喎，见到佢地笑咪咪咁影相，好似每日都好好玩咁样。但其实个现实唔系咁架，只不过台湾人个文化比较乐观啦，佢哋写啲嘢成日写到好好玩咁。但事实系去到做嘢其实好辛苦架，唔系玩玩下摘士多啤梨好开心又过一日，因为摘得慢就会炒你架喇。咁当然辛苦之余都有好多得着嘅，所以我都好鼓励大家去，但系就唔好太多幻想喇。
提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。
(Chinese version only)