I Let the Wind Carry Me
分享者：
Daniel (2022-2023 奧地利、2023-2024澳洲)
问︰你来自哪里？
答︰香港。元朗。
问︰你什么时候参加工作假期？
答：我参加左两次工作假期。第一次系2022年5月至2023年5月，当中真正有「工作」慨时间只系大约一个月。第二次系2023年9月，现时仍然进行中。
问︰你曾到哪里工作假期？为什么会选择那个地方为目的地？
答︰第一次系申请去奥地利，原因有少少搞笑。话说当时喺香港识左一个德国人交换生，佢话完左香港慨课程后就会同朋友一齐去马来西亚旅行一个月，之后谂紧会喺九月奥地利硕士开学前再去下其他地方，亦可能会去澳洲工作旅行。适逢果时我喺事业上遇到樽颈，又因为种种慨事情令个人好唔开心，所以都想出去行下，搵返自己。佢知道后就邀请我同佢一齐去。所以我一开始其实系谂住申请去澳洲慨工作假期，点知佢后期话谂谂下唔系好够时间，都系返欧洲搵钱，于是我谂住有个人陪，就申请左佢读书慨奥地利。当时奥地利系少数喺疫情后期都仲开放申请慨国家，亦都无咩人申请，好快两个星期内就批左俾我。至于澳洲，就系因为环游左世界一年之后钟意左墨尔本而决定慨。以下系我过去一年半慨旅程：马来西亚-泰国-新加坡-澳洲-阿联酋-西班牙-法国-摩纳哥-奥地利-比利时-英国-德国-丹麦-瑞典-葡萄牙-智利-阿根廷-巴西-玻利维亚-哥伦比亚-墨西哥-美国-日本-香港-澳洲（珀斯/墨尔本）
问︰在工作假期期间，你曾经做过什么工作？你又有修读什么短期课程吗？
答︰第一次工作假期慨时候，本身就抱住唔会成年留喺奥地利慨心。申请慨时候好似系四月，第一次入境奥地利系八月。会有咁样慨安排系因为申请欧洲慨工作假期签证代表住我有更大慨灵活度进出神根国家（指已签署《神根公约》的二十多个欧洲国家），而且如果玩到无哂钱都有个后备方案。最后我系选择左九月透过一个付费平台搵到一个喺Salzburg（萨尔斯堡）对上叫Mattsee（马特塞）慨小镇慨Host Family（寄宿家庭）工作。我喺果个屋企慨职责就系帮佢地打扫、同小朋友玩、喂下猪、喂下鸡、淋下花。佢地夫妇都系老师，喺一间非常唔传统慨学校教书。我大概一星期会有两至三日去果间得三十人慨学校同学生玩同讲英文。奥地利人英文算好，但呢间学校学生年纪由6岁至14岁都有，通常小学部慨小朋友几乎系一丁点英文都唔识讲，初中部慨就无咩信心或者都无咁好气同你讲。一开头都有少少气馁，因为自问社工出身，都叫识同小朋友/青少年相处，但一开头同一班初中生尝试倾计，佢地唔系好理我。最后我都不知不觉中学识左少少德文，当然而家已经唔记得哂。但重点系佢地见到你真系有尝试同佢地沟通，就算语言不通，你会发现原来人与人之间慨交流系可以超越文字。关于喺呢间学校慨经历仲有好多野可以分享，不过篇幅有限，有兴趣就问我啦。喺澳洲慨工作假期，我首先系选择飞去珀斯，好多人都问我点解。原因一：我有朋友都飞左去果度。原因二：我知自己点都会去墨尔本，所以可以飞左西边先。原因三：我以为喺珀斯呢个相对细慨城市起步会容易少少。结果我系大错特错。而家系好多人飞左去澳洲做工作假期，尤其是欧洲人。珀斯亦因为种种原因，非常欠缺租盘。所以我喺珀斯果四个月，可以话全部都喺旅舍渡过。虽然我已经住过一年旅舍，但珀斯慨旅舍依然停留喺一个好原始慨阶段，加上好多去珀斯打工慨人都系做FIFO（Fly In Fly Out），即系由珀斯飞去遍远地区矿场打工。好多人去珀斯都系钟意佢够热同埋有海滩，当然西岸都有好多风景；亦有好多人系去搵钱，跟住喺唔驶去矿场慨日子就飞去东南亚享受。所以好多喺果度打工慨人都唔系咁注重生活质素，你亦可以想象到喺果度慨旅舍生活会系点。而我因为唔想做地盘又唔想做FIFO（就算想都因为无驾驶执照做唔到），就主要集中火力搵餐饮同零售。好好彩我头一个礼拜就搵到一间礼品店做销售员。间铺要求员工态度要好好，要主动同客人打招呼，同埋会鼓励你同客人倾计，甚至仲会想你喺个表写低今日有咩有趣慨对话。本身我都钟意同人倾计，所以都几钟意呢份工。同埋我觉得香港人普遍做野都算几落力，所以经理对我都好放心。但因为呢间铺主要都系请Casual（临时工），即系类似我地Part time（兼职），无年假无病假，佢钟意俾几多个钟你就几多个钟你，导致我系长期只系一个礼拜返10个钟左右。要搵另一份可以夹到钟数慨Casual（临时工）都唔容易。就系咁我经历左大约三个月，好彩圣诞系旺季，加上我经理都好好人俾多啲钟我，所以我12月可以返到差唔多系全职慨钟数，终于多返少少钱可以飞去第二度。中间我都有打个一个月慨另一份工，系马来西亚华人开慨眼镜铺，负责收下钱，间中帮手整下眼镜，同埋每日打扫。最后因为太闷同埋十二月我另一份工都要我返多啲钟数，所以就辞左职。至于墨尔本，我暂时都未搵到工，可能因为我希望留喺市区，感觉呢度慨工作竞争真系大好多。
问：请分享你在工作假期中的难忘经历。
答：环游世界有好多难忘经历，我主要分享我慨工作经历。喺奥地利果个家庭慨日子令我好难忘。首先佢地两个小朋友真系超级得意。每日见到佢地，可以同佢地一齐玩我都感到好幸福。佢地仲有一只猫。我系第一次咁长时间同猫相处。第一晚训觉佢入左房，喺我附近咕噜咕噜咁叫，我吓到醒左。之后佢同我熟左会训喺我身度叫醒我。有一次我夜晚返屋企，仲有二十米左右返到门口，竟然见到佢出嚟接我，仲同我一齐行返去。呢段经历改变左我对猫慨睇法。至于学校方面，首先佢地慨教学模式已经系令我大开眼界，原来可以有学校系可以几乎无课程，仲要可以令唔同年龄慨小朋友一齐学习。喺学校帮手慨初期，因为其中一个老师病左，我有幸同中学部一齐去捷克学校旅行，喺过程我见到大人俾小朋友慨自由，佢地甚至可以喺无人慨火车上面踩住啲座位跳嚟跳去。我问个老师亦系我个host（屋主），我话咁样无问题吗？佢话小朋友就系需要透过玩同运动去探索学习，当然要睇环境，但既然火车无人，都唔系大问题。我自问喺香港已经算系思想开明同埋比较容许儿童自由发展慨一个人，但当睇到呢个光景，我先发觉原来世界真系好大，有好多唔同慨价值观同文化，唔可以成日由自己果套去谂野。甚至去到后期，我发觉我睇到呢啲情况慨时候会感觉到慨唔舒服，可能系来自于我控制慨需要。令我觉得唔舒服慨可能唔系啲小朋友踩污糟左个座位，而系作为大人慨我竟然无一个权力去控制小朋友，而佢地作为儿童竟然可以肆无忌惮咁有自己谂法。呢个反思系我喺香港无办法咁深切咁体会到。喺澳洲工作并无我想象中咁容易。的确有某些工种系成日都请人，但你要谂清楚自己系咪想做同埋适合做果啲工。你亦要准备遇到一啲你无谂过会遇到慨情况。有一次我喺礼品铺返工慨时候，有一个形迹可疑慨客人入左嚟，佢戴住帽、口罩、黑超，基本上你系睇唔到佢个样。呢啲时候你要相信自己慨直觉同识执生。佢喺铺头试左好耐野、一开头同佢打招呼都无反应。我后尾行近啲扮清洁尝试同佢倾计，佢开始攞个袋入面慨镜碎片出嚟，又用笔写一啲恐吓慨字句。我相信佢系想吓走我然后偷野，咁啱铺头得我同佢，我保持冷静请佢离开但佢唔肯，我唔立即喺佢面前报警以免刺激佢。当我搵空档想喺收银报警时佢又过嚟话要买哂啲野。佢一直拖时间，直到后期有客人入嚟我终于搵机会报警，但佢发现左开始破口大骂，仲推左我同一位客人。所有客人都望住佢问佢做咩事，但佢都趁乱将一啲货品放落袋走左。人生第一次俾人抢野都算系十分难忘，不过无论老细同同事都好关心我同欣赏我慨处理，所以其实又无太大慨创伤。不过处于香港慨我地应该好少有机会可以有呢种体验，都算系十分难忘。
问：工作假期为你带来最大的收获是什么？
答：最大的收获系为透过见识世界，更了解自己同埋自己成长慨呢个地方。好多喺香港你留意唔到关于自己慨盲点，你会喺外地认识到。好多喺香港你以为系理所当然慨野，喺其他地方可能根本唔存在，或者对当地人嚟讲系一啲匪夷所思慨事。唔好将自己睇得咁大，但亦都唔好睇小自己。
问：对于那些打算到你目的地工作假期的青年人，你能否给他们一些贴士？
答：好多亚洲人钟意准备好多呢样果样去工作假期，其实唔驶。你要慨系一颗决心同令你行动慨勇气。我识得好多外国人佢地可能成副身家得二千蚊港纸佢地都仲喺系外国工作假期生存得好地地。唔好俾咁多借口自己。
提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。
答︰香港。元朗。
问︰你什么时候参加工作假期？
答：我参加左两次工作假期。第一次系2022年5月至2023年5月，当中真正有「工作」慨时间只系大约一个月。第二次系2023年9月，现时仍然进行中。
问︰你曾到哪里工作假期？为什么会选择那个地方为目的地？
答︰第一次系申请去奥地利，原因有少少搞笑。话说当时喺香港识左一个德国人交换生，佢话完左香港慨课程后就会同朋友一齐去马来西亚旅行一个月，之后谂紧会喺九月奥地利硕士开学前再去下其他地方，亦可能会去澳洲工作旅行。适逢果时我喺事业上遇到樽颈，又因为种种慨事情令个人好唔开心，所以都想出去行下，搵返自己。佢知道后就邀请我同佢一齐去。所以我一开始其实系谂住申请去澳洲慨工作假期，点知佢后期话谂谂下唔系好够时间，都系返欧洲搵钱，于是我谂住有个人陪，就申请左佢读书慨奥地利。当时奥地利系少数喺疫情后期都仲开放申请慨国家，亦都无咩人申请，好快两个星期内就批左俾我。至于澳洲，就系因为环游左世界一年之后钟意左墨尔本而决定慨。以下系我过去一年半慨旅程：马来西亚-泰国-新加坡-澳洲-阿联酋-西班牙-法国-摩纳哥-奥地利-比利时-英国-德国-丹麦-瑞典-葡萄牙-智利-阿根廷-巴西-玻利维亚-哥伦比亚-墨西哥-美国-日本-香港-澳洲（珀斯/墨尔本）
问︰在工作假期期间，你曾经做过什么工作？你又有修读什么短期课程吗？
答︰第一次工作假期慨时候，本身就抱住唔会成年留喺奥地利慨心。申请慨时候好似系四月，第一次入境奥地利系八月。会有咁样慨安排系因为申请欧洲慨工作假期签证代表住我有更大慨灵活度进出神根国家（指已签署《神根公约》的二十多个欧洲国家），而且如果玩到无哂钱都有个后备方案。最后我系选择左九月透过一个付费平台搵到一个喺Salzburg（萨尔斯堡）对上叫Mattsee（马特塞）慨小镇慨Host Family（寄宿家庭）工作。我喺果个屋企慨职责就系帮佢地打扫、同小朋友玩、喂下猪、喂下鸡、淋下花。佢地夫妇都系老师，喺一间非常唔传统慨学校教书。我大概一星期会有两至三日去果间得三十人慨学校同学生玩同讲英文。奥地利人英文算好，但呢间学校学生年纪由6岁至14岁都有，通常小学部慨小朋友几乎系一丁点英文都唔识讲，初中部慨就无咩信心或者都无咁好气同你讲。一开头都有少少气馁，因为自问社工出身，都叫识同小朋友/青少年相处，但一开头同一班初中生尝试倾计，佢地唔系好理我。最后我都不知不觉中学识左少少德文，当然而家已经唔记得哂。但重点系佢地见到你真系有尝试同佢地沟通，就算语言不通，你会发现原来人与人之间慨交流系可以超越文字。关于喺呢间学校慨经历仲有好多野可以分享，不过篇幅有限，有兴趣就问我啦。喺澳洲慨工作假期，我首先系选择飞去珀斯，好多人都问我点解。原因一：我有朋友都飞左去果度。原因二：我知自己点都会去墨尔本，所以可以飞左西边先。原因三：我以为喺珀斯呢个相对细慨城市起步会容易少少。结果我系大错特错。而家系好多人飞左去澳洲做工作假期，尤其是欧洲人。珀斯亦因为种种原因，非常欠缺租盘。所以我喺珀斯果四个月，可以话全部都喺旅舍渡过。虽然我已经住过一年旅舍，但珀斯慨旅舍依然停留喺一个好原始慨阶段，加上好多去珀斯打工慨人都系做FIFO（Fly In Fly Out），即系由珀斯飞去遍远地区矿场打工。好多人去珀斯都系钟意佢够热同埋有海滩，当然西岸都有好多风景；亦有好多人系去搵钱，跟住喺唔驶去矿场慨日子就飞去东南亚享受。所以好多喺果度打工慨人都唔系咁注重生活质素，你亦可以想象到喺果度慨旅舍生活会系点。而我因为唔想做地盘又唔想做FIFO（就算想都因为无驾驶执照做唔到），就主要集中火力搵餐饮同零售。好好彩我头一个礼拜就搵到一间礼品店做销售员。间铺要求员工态度要好好，要主动同客人打招呼，同埋会鼓励你同客人倾计，甚至仲会想你喺个表写低今日有咩有趣慨对话。本身我都钟意同人倾计，所以都几钟意呢份工。同埋我觉得香港人普遍做野都算几落力，所以经理对我都好放心。但因为呢间铺主要都系请Casual（临时工），即系类似我地Part time（兼职），无年假无病假，佢钟意俾几多个钟你就几多个钟你，导致我系长期只系一个礼拜返10个钟左右。要搵另一份可以夹到钟数慨Casual（临时工）都唔容易。就系咁我经历左大约三个月，好彩圣诞系旺季，加上我经理都好好人俾多啲钟我，所以我12月可以返到差唔多系全职慨钟数，终于多返少少钱可以飞去第二度。中间我都有打个一个月慨另一份工，系马来西亚华人开慨眼镜铺，负责收下钱，间中帮手整下眼镜，同埋每日打扫。最后因为太闷同埋十二月我另一份工都要我返多啲钟数，所以就辞左职。至于墨尔本，我暂时都未搵到工，可能因为我希望留喺市区，感觉呢度慨工作竞争真系大好多。
问：请分享你在工作假期中的难忘经历。
答：环游世界有好多难忘经历，我主要分享我慨工作经历。喺奥地利果个家庭慨日子令我好难忘。首先佢地两个小朋友真系超级得意。每日见到佢地，可以同佢地一齐玩我都感到好幸福。佢地仲有一只猫。我系第一次咁长时间同猫相处。第一晚训觉佢入左房，喺我附近咕噜咕噜咁叫，我吓到醒左。之后佢同我熟左会训喺我身度叫醒我。有一次我夜晚返屋企，仲有二十米左右返到门口，竟然见到佢出嚟接我，仲同我一齐行返去。呢段经历改变左我对猫慨睇法。至于学校方面，首先佢地慨教学模式已经系令我大开眼界，原来可以有学校系可以几乎无课程，仲要可以令唔同年龄慨小朋友一齐学习。喺学校帮手慨初期，因为其中一个老师病左，我有幸同中学部一齐去捷克学校旅行，喺过程我见到大人俾小朋友慨自由，佢地甚至可以喺无人慨火车上面踩住啲座位跳嚟跳去。我问个老师亦系我个host（屋主），我话咁样无问题吗？佢话小朋友就系需要透过玩同运动去探索学习，当然要睇环境，但既然火车无人，都唔系大问题。我自问喺香港已经算系思想开明同埋比较容许儿童自由发展慨一个人，但当睇到呢个光景，我先发觉原来世界真系好大，有好多唔同慨价值观同文化，唔可以成日由自己果套去谂野。甚至去到后期，我发觉我睇到呢啲情况慨时候会感觉到慨唔舒服，可能系来自于我控制慨需要。令我觉得唔舒服慨可能唔系啲小朋友踩污糟左个座位，而系作为大人慨我竟然无一个权力去控制小朋友，而佢地作为儿童竟然可以肆无忌惮咁有自己谂法。呢个反思系我喺香港无办法咁深切咁体会到。喺澳洲工作并无我想象中咁容易。的确有某些工种系成日都请人，但你要谂清楚自己系咪想做同埋适合做果啲工。你亦要准备遇到一啲你无谂过会遇到慨情况。有一次我喺礼品铺返工慨时候，有一个形迹可疑慨客人入左嚟，佢戴住帽、口罩、黑超，基本上你系睇唔到佢个样。呢啲时候你要相信自己慨直觉同识执生。佢喺铺头试左好耐野、一开头同佢打招呼都无反应。我后尾行近啲扮清洁尝试同佢倾计，佢开始攞个袋入面慨镜碎片出嚟，又用笔写一啲恐吓慨字句。我相信佢系想吓走我然后偷野，咁啱铺头得我同佢，我保持冷静请佢离开但佢唔肯，我唔立即喺佢面前报警以免刺激佢。当我搵空档想喺收银报警时佢又过嚟话要买哂啲野。佢一直拖时间，直到后期有客人入嚟我终于搵机会报警，但佢发现左开始破口大骂，仲推左我同一位客人。所有客人都望住佢问佢做咩事，但佢都趁乱将一啲货品放落袋走左。人生第一次俾人抢野都算系十分难忘，不过无论老细同同事都好关心我同欣赏我慨处理，所以其实又无太大慨创伤。不过处于香港慨我地应该好少有机会可以有呢种体验，都算系十分难忘。
问：工作假期为你带来最大的收获是什么？
答：最大的收获系为透过见识世界，更了解自己同埋自己成长慨呢个地方。好多喺香港你留意唔到关于自己慨盲点，你会喺外地认识到。好多喺香港你以为系理所当然慨野，喺其他地方可能根本唔存在，或者对当地人嚟讲系一啲匪夷所思慨事。唔好将自己睇得咁大，但亦都唔好睇小自己。
问：对于那些打算到你目的地工作假期的青年人，你能否给他们一些贴士？
答：好多亚洲人钟意准备好多呢样果样去工作假期，其实唔驶。你要慨系一颗决心同令你行动慨勇气。我识得好多外国人佢地可能成副身家得二千蚊港纸佢地都仲喺系外国工作假期生存得好地地。唔好俾咁多借口自己。
提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。
(Chinese version only)