I Let the Wind Carry Me
By
Daniel (2022-2023 奧地利、2023-2024澳洲)
問︰你來自哪裡？
答︰香港。元朗。
問︰你什麼時候參加工作假期？
答：我參加左兩次工作假期。第一次係2022年5月至2023年5月，當中真正有「工作」嘅時間只係大約一個月。第二次係2023年9月，現時仍然進行中。
問︰你曾到哪裡工作假期？為什麼會選擇那個地方為目的地？
答︰第一次係申請去奧地利，原因有少少搞笑。話說當時喺香港識左一個德國人交換生，佢話完左香港嘅課程後就會同朋友一齊去馬來西亞旅行一個月，之後諗緊會喺九月奧地利碩士開學前再去下其他地方，亦可能會去澳洲工作旅行。適逢果時我喺事業上遇到樽頸，又因為種種嘅事情令個人好唔開心，所以都想出去行下，搵返自己。佢知道後就邀請我同佢一齊去。所以我一開始其實係諗住申請去澳洲嘅工作假期，點知佢後期話諗諗下唔係好夠時間，都係返歐洲搵錢，於是我諗住有個人陪，就申請左佢讀書嘅奧地利。當時奧地利係少數喺疫情後期都仲開放申請嘅國家，亦都無咩人申請，好快兩個星期內就批左俾我。至於澳洲，就係因為環遊左世界一年之後鍾意左墨爾本而決定嘅。以下係我過去一年半嘅旅程：馬來西亞-泰國-新加坡-澳洲-阿聯酋-西班牙-法國-摩納哥-奧地利-比利時-英國-德國-丹麥-瑞典-葡萄牙-智利-阿根廷-巴西-玻利維亞-哥倫比亞-墨西哥-美國-日本-香港-澳洲（珀斯/墨爾本）
問︰在工作假期期間，你曾經做過什麼工作？你又有修讀什麼短期課程嗎？
答︰第一次工作假期嘅時候，本身就抱住唔會成年留喺奧地利嘅心。申請嘅時候好似係四月，第一次入境奧地利係八月。會有咁樣嘅安排係因為申請歐洲嘅工作假期簽證代表住我有更大嘅靈活度進出神根國家（指已簽署《神根公約》的二十多個歐洲國家），而且如果玩到無哂錢都有個後備方案。最後我係選擇左九月透過一個付費平台搵到一個喺Salzburg（薩爾斯堡）對上叫Mattsee（馬特塞）嘅小鎮嘅Host Family（寄宿家庭）工作。我喺果個屋企嘅職責就係幫佢地打掃、同小朋友玩、餵下豬、餵下雞、淋下花。佢地夫婦都係老師，喺一間非常唔傳統嘅學校教書。我大概一星期會有兩至三日去果間得三十人嘅學校同學生玩同講英文。奧地利人英文算好，但呢間學校學生年紀由6歲至14歲都有，通常小學部嘅小朋友幾乎係一丁點英文都唔識講，初中部嘅就無咩信心或者都無咁好氣同你講。一開頭都有少少氣餒，因為自問社工出身，都叫識同小朋友/青少年相處，但一開頭同一班初中生嘗試傾計，佢地唔係好理我。最後我都不知不覺中學識左少少德文，當然而家已經唔記得哂。但重點係佢地見到你真係有嘗試同佢地溝通，就算語言不通，你會發現原來人與人之間嘅交流係可以超越文字。關於喺呢間學校嘅經歷仲有好多野可以分享，不過篇幅有限，有興趣就問我啦。喺澳洲嘅工作假期，我首先係選擇飛去珀斯，好多人都問我點解。原因一：我有朋友都飛左去果度。原因二：我知自己點都會去墨爾本，所以可以飛左西邊先。原因三：我以為喺珀斯呢個相對細嘅城市起步會容易少少。結果我係大錯特錯。而家係好多人飛左去澳洲做工作假期，尤其是歐洲人。珀斯亦因為種種原因，非常欠缺租盤。所以我喺珀斯果四個月，可以話全部都喺旅舍渡過。雖然我已經住過一年旅舍，但珀斯嘅旅舍依然停留喺一個好原始嘅階段，加上好多去珀斯打工嘅人都係做FIFO（Fly In Fly Out），即係由珀斯飛去遍遠地區礦場打工。好多人去珀斯都係鍾意佢夠熱同埋有海灘，當然西岸都有好多風景；亦有好多人係去搵錢，跟住喺唔駛去礦場嘅日子就飛去東南亞享受。所以好多喺果度打工嘅人都唔係咁注重生活質素，你亦可以想像到喺果度嘅旅舍生活會係點。而我因為唔想做地盤又唔想做FIFO（就算想都因為無駕駛執照做唔到），就主要集中火力搵餐飲同零售。好好彩我頭一個禮拜就搵到一間禮品店做銷售員。間舖要求員工態度要好好，要主動同客人打招呼，同埋會鼓勵你同客人傾計，甚至仲會想你喺個表寫低今日有咩有趣嘅對話。本身我都鍾意同人傾計，所以都幾鍾意呢份工。同埋我覺得香港人普遍做野都算幾落力，所以經理對我都好放心。但因為呢間舖主要都係請Casual（臨時工），即係類似我地Part time（兼職），無年假無病假，佢鍾意俾幾多個鐘你就幾多個鐘你，導致我係長期只係一個禮拜返10個鐘左右。要搵另一份可以夾到鐘數嘅Casual（臨時工）都唔容易。就係咁我經歷左大約三個月，好彩聖誕係旺季，加上我經理都好好人俾多啲鐘我，所以我12月可以返到差唔多係全職嘅鐘數，終於多返少少錢可以飛去第二度。中間我都有打個一個月嘅另一份工，係馬來西亞華人開嘅眼鏡舖，負責收下錢，間中幫手整下眼鏡，同埋每日打掃。最後因為太悶同埋十二月我另一份工都要我返多啲鐘數，所以就辭左職。至於墨爾本，我暫時都未搵到工，可能因為我希望留喺市區，感覺呢度嘅工作競爭真係大好多。
問：請分享你在工作假期中的難忘經歷。
答：環遊世界有好多難忘經歷，我主要分享我嘅工作經歷。喺奧地利果個家庭嘅日子令我好難忘。首先佢地兩個小朋友真係超級得意。每日見到佢地，可以同佢地一齊玩我都感到好幸福。佢地仲有一隻貓。我係第一次咁長時間同貓相處。第一晚訓覺佢入左房，喺我附近咕嚕咕嚕咁叫，我嚇到醒左。之後佢同我熟左會訓喺我身度叫醒我。有一次我夜晚返屋企，仲有二十米左右返到門口，竟然見到佢出嚟接我，仲同我一齊行返去。呢段經歷改變左我對貓嘅睇法。至於學校方面，首先佢地嘅教學模式已經係令我大開眼界，原來可以有學校係可以幾乎無課程，仲要可以令唔同年齡嘅小朋友一齊學習。喺學校幫手嘅初期，因為其中一個老師病左，我有幸同中學部一齊去捷克學校旅行，喺過程我見到大人俾小朋友嘅自由，佢地甚至可以喺無人嘅火車上面踩住啲座位跳嚟跳去。我問個老師亦係我個host（屋主），我話咁樣無問題嗎？佢話小朋友就係需要透過玩同運動去探索學習，當然要睇環境，但既然火車無人，都唔係大問題。我自問喺香港已經算係思想開明同埋比較容許兒童自由發展嘅一個人，但當睇到呢個光景，我先發覺原來世界真係好大，有好多唔同嘅價值觀同文化，唔可以成日由自己果套去諗野。甚至去到後期，我發覺我睇到呢啲情況嘅時候會感覺到嘅唔舒服，可能係來自於我控制嘅需要。令我覺得唔舒服嘅可能唔係啲小朋友踩污糟左個座位，而係作為大人嘅我竟然無一個權力去控制小朋友，而佢地作為兒童竟然可以肆無忌憚咁有自己諗法。呢個反思係我喺香港無辦法咁深切咁體會到。喺澳洲工作並無我想像中咁容易。的確有某些工種係成日都請人，但你要諗清楚自己係咪想做同埋適合做果啲工。你亦要準備遇到一啲你無諗過會遇到嘅情況。有一次我喺禮品舖返工嘅時候，有一個形跡可疑嘅客人入左嚟，佢戴住帽、口罩、黑超，基本上你係睇唔到佢個樣。呢啲時候你要相信自己嘅直覺同識執生。佢喺舖頭試左好耐野、一開頭同佢打招呼都無反應。我後尾行近啲扮清潔嘗試同佢傾計，佢開始攞個袋入面嘅鏡碎片出嚟，又用筆寫一啲恐嚇嘅字句。我相信佢係想嚇走我然後偷野，咁啱舖頭得我同佢，我保持冷靜請佢離開但佢唔肯，我唔立即喺佢面前報警以免刺激佢。當我搵空檔想喺收銀報警時佢又過嚟話要買哂啲野。佢一直拖時間，直到後期有客人入嚟我終於搵機會報警，但佢發現左開始破口大罵，仲推左我同一位客人。所有客人都望住佢問佢做咩事，但佢都趁亂將一啲貨品放落袋走左。人生第一次俾人搶野都算係十分難忘，不過無論老細同同事都好關心我同欣賞我嘅處理，所以其實又無太大嘅創傷。不過處於香港嘅我地應該好少有機會可以有呢種體驗，都算係十分難忘。
問：工作假期為你帶來最大的收穫是什麼？
答：最大的收穫係為透過見識世界，更了解自己同埋自己成長嘅呢個地方。好多喺香港你留意唔到關於自己嘅盲點，你會喺外地認識到。好多喺香港你以為係理所當然嘅野，喺其他地方可能根本唔存在，或者對當地人嚟講係一啲匪夷所思嘅事。唔好將自己睇得咁大，但亦都唔好睇小自己。
問：對於那些打算到你目的地工作假期的青年人，你能否給他們一些貼士？
答：好多亞洲人鍾意準備好多呢樣果樣去工作假期，其實唔駛。你要嘅係一顆決心同令你行動嘅勇氣。我識得好多外國人佢地可能成副身家得二千蚊港紙佢地都仲喺係外國工作假期生存得好地地。唔好俾咁多藉口自己。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
答︰香港。元朗。
問︰你什麼時候參加工作假期？
答：我參加左兩次工作假期。第一次係2022年5月至2023年5月，當中真正有「工作」嘅時間只係大約一個月。第二次係2023年9月，現時仍然進行中。
問︰你曾到哪裡工作假期？為什麼會選擇那個地方為目的地？
答︰第一次係申請去奧地利，原因有少少搞笑。話說當時喺香港識左一個德國人交換生，佢話完左香港嘅課程後就會同朋友一齊去馬來西亞旅行一個月，之後諗緊會喺九月奧地利碩士開學前再去下其他地方，亦可能會去澳洲工作旅行。適逢果時我喺事業上遇到樽頸，又因為種種嘅事情令個人好唔開心，所以都想出去行下，搵返自己。佢知道後就邀請我同佢一齊去。所以我一開始其實係諗住申請去澳洲嘅工作假期，點知佢後期話諗諗下唔係好夠時間，都係返歐洲搵錢，於是我諗住有個人陪，就申請左佢讀書嘅奧地利。當時奧地利係少數喺疫情後期都仲開放申請嘅國家，亦都無咩人申請，好快兩個星期內就批左俾我。至於澳洲，就係因為環遊左世界一年之後鍾意左墨爾本而決定嘅。以下係我過去一年半嘅旅程：馬來西亞-泰國-新加坡-澳洲-阿聯酋-西班牙-法國-摩納哥-奧地利-比利時-英國-德國-丹麥-瑞典-葡萄牙-智利-阿根廷-巴西-玻利維亞-哥倫比亞-墨西哥-美國-日本-香港-澳洲（珀斯/墨爾本）
問︰在工作假期期間，你曾經做過什麼工作？你又有修讀什麼短期課程嗎？
答︰第一次工作假期嘅時候，本身就抱住唔會成年留喺奧地利嘅心。申請嘅時候好似係四月，第一次入境奧地利係八月。會有咁樣嘅安排係因為申請歐洲嘅工作假期簽證代表住我有更大嘅靈活度進出神根國家（指已簽署《神根公約》的二十多個歐洲國家），而且如果玩到無哂錢都有個後備方案。最後我係選擇左九月透過一個付費平台搵到一個喺Salzburg（薩爾斯堡）對上叫Mattsee（馬特塞）嘅小鎮嘅Host Family（寄宿家庭）工作。我喺果個屋企嘅職責就係幫佢地打掃、同小朋友玩、餵下豬、餵下雞、淋下花。佢地夫婦都係老師，喺一間非常唔傳統嘅學校教書。我大概一星期會有兩至三日去果間得三十人嘅學校同學生玩同講英文。奧地利人英文算好，但呢間學校學生年紀由6歲至14歲都有，通常小學部嘅小朋友幾乎係一丁點英文都唔識講，初中部嘅就無咩信心或者都無咁好氣同你講。一開頭都有少少氣餒，因為自問社工出身，都叫識同小朋友/青少年相處，但一開頭同一班初中生嘗試傾計，佢地唔係好理我。最後我都不知不覺中學識左少少德文，當然而家已經唔記得哂。但重點係佢地見到你真係有嘗試同佢地溝通，就算語言不通，你會發現原來人與人之間嘅交流係可以超越文字。關於喺呢間學校嘅經歷仲有好多野可以分享，不過篇幅有限，有興趣就問我啦。喺澳洲嘅工作假期，我首先係選擇飛去珀斯，好多人都問我點解。原因一：我有朋友都飛左去果度。原因二：我知自己點都會去墨爾本，所以可以飛左西邊先。原因三：我以為喺珀斯呢個相對細嘅城市起步會容易少少。結果我係大錯特錯。而家係好多人飛左去澳洲做工作假期，尤其是歐洲人。珀斯亦因為種種原因，非常欠缺租盤。所以我喺珀斯果四個月，可以話全部都喺旅舍渡過。雖然我已經住過一年旅舍，但珀斯嘅旅舍依然停留喺一個好原始嘅階段，加上好多去珀斯打工嘅人都係做FIFO（Fly In Fly Out），即係由珀斯飛去遍遠地區礦場打工。好多人去珀斯都係鍾意佢夠熱同埋有海灘，當然西岸都有好多風景；亦有好多人係去搵錢，跟住喺唔駛去礦場嘅日子就飛去東南亞享受。所以好多喺果度打工嘅人都唔係咁注重生活質素，你亦可以想像到喺果度嘅旅舍生活會係點。而我因為唔想做地盤又唔想做FIFO（就算想都因為無駕駛執照做唔到），就主要集中火力搵餐飲同零售。好好彩我頭一個禮拜就搵到一間禮品店做銷售員。間舖要求員工態度要好好，要主動同客人打招呼，同埋會鼓勵你同客人傾計，甚至仲會想你喺個表寫低今日有咩有趣嘅對話。本身我都鍾意同人傾計，所以都幾鍾意呢份工。同埋我覺得香港人普遍做野都算幾落力，所以經理對我都好放心。但因為呢間舖主要都係請Casual（臨時工），即係類似我地Part time（兼職），無年假無病假，佢鍾意俾幾多個鐘你就幾多個鐘你，導致我係長期只係一個禮拜返10個鐘左右。要搵另一份可以夾到鐘數嘅Casual（臨時工）都唔容易。就係咁我經歷左大約三個月，好彩聖誕係旺季，加上我經理都好好人俾多啲鐘我，所以我12月可以返到差唔多係全職嘅鐘數，終於多返少少錢可以飛去第二度。中間我都有打個一個月嘅另一份工，係馬來西亞華人開嘅眼鏡舖，負責收下錢，間中幫手整下眼鏡，同埋每日打掃。最後因為太悶同埋十二月我另一份工都要我返多啲鐘數，所以就辭左職。至於墨爾本，我暫時都未搵到工，可能因為我希望留喺市區，感覺呢度嘅工作競爭真係大好多。
問：請分享你在工作假期中的難忘經歷。
答：環遊世界有好多難忘經歷，我主要分享我嘅工作經歷。喺奧地利果個家庭嘅日子令我好難忘。首先佢地兩個小朋友真係超級得意。每日見到佢地，可以同佢地一齊玩我都感到好幸福。佢地仲有一隻貓。我係第一次咁長時間同貓相處。第一晚訓覺佢入左房，喺我附近咕嚕咕嚕咁叫，我嚇到醒左。之後佢同我熟左會訓喺我身度叫醒我。有一次我夜晚返屋企，仲有二十米左右返到門口，竟然見到佢出嚟接我，仲同我一齊行返去。呢段經歷改變左我對貓嘅睇法。至於學校方面，首先佢地嘅教學模式已經係令我大開眼界，原來可以有學校係可以幾乎無課程，仲要可以令唔同年齡嘅小朋友一齊學習。喺學校幫手嘅初期，因為其中一個老師病左，我有幸同中學部一齊去捷克學校旅行，喺過程我見到大人俾小朋友嘅自由，佢地甚至可以喺無人嘅火車上面踩住啲座位跳嚟跳去。我問個老師亦係我個host（屋主），我話咁樣無問題嗎？佢話小朋友就係需要透過玩同運動去探索學習，當然要睇環境，但既然火車無人，都唔係大問題。我自問喺香港已經算係思想開明同埋比較容許兒童自由發展嘅一個人，但當睇到呢個光景，我先發覺原來世界真係好大，有好多唔同嘅價值觀同文化，唔可以成日由自己果套去諗野。甚至去到後期，我發覺我睇到呢啲情況嘅時候會感覺到嘅唔舒服，可能係來自於我控制嘅需要。令我覺得唔舒服嘅可能唔係啲小朋友踩污糟左個座位，而係作為大人嘅我竟然無一個權力去控制小朋友，而佢地作為兒童竟然可以肆無忌憚咁有自己諗法。呢個反思係我喺香港無辦法咁深切咁體會到。喺澳洲工作並無我想像中咁容易。的確有某些工種係成日都請人，但你要諗清楚自己係咪想做同埋適合做果啲工。你亦要準備遇到一啲你無諗過會遇到嘅情況。有一次我喺禮品舖返工嘅時候，有一個形跡可疑嘅客人入左嚟，佢戴住帽、口罩、黑超，基本上你係睇唔到佢個樣。呢啲時候你要相信自己嘅直覺同識執生。佢喺舖頭試左好耐野、一開頭同佢打招呼都無反應。我後尾行近啲扮清潔嘗試同佢傾計，佢開始攞個袋入面嘅鏡碎片出嚟，又用筆寫一啲恐嚇嘅字句。我相信佢係想嚇走我然後偷野，咁啱舖頭得我同佢，我保持冷靜請佢離開但佢唔肯，我唔立即喺佢面前報警以免刺激佢。當我搵空檔想喺收銀報警時佢又過嚟話要買哂啲野。佢一直拖時間，直到後期有客人入嚟我終於搵機會報警，但佢發現左開始破口大罵，仲推左我同一位客人。所有客人都望住佢問佢做咩事，但佢都趁亂將一啲貨品放落袋走左。人生第一次俾人搶野都算係十分難忘，不過無論老細同同事都好關心我同欣賞我嘅處理，所以其實又無太大嘅創傷。不過處於香港嘅我地應該好少有機會可以有呢種體驗，都算係十分難忘。
問：工作假期為你帶來最大的收穫是什麼？
答：最大的收穫係為透過見識世界，更了解自己同埋自己成長嘅呢個地方。好多喺香港你留意唔到關於自己嘅盲點，你會喺外地認識到。好多喺香港你以為係理所當然嘅野，喺其他地方可能根本唔存在，或者對當地人嚟講係一啲匪夷所思嘅事。唔好將自己睇得咁大，但亦都唔好睇小自己。
問：對於那些打算到你目的地工作假期的青年人，你能否給他們一些貼士？
答：好多亞洲人鍾意準備好多呢樣果樣去工作假期，其實唔駛。你要嘅係一顆決心同令你行動嘅勇氣。我識得好多外國人佢地可能成副身家得二千蚊港紙佢地都仲喺係外國工作假期生存得好地地。唔好俾咁多藉口自己。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)