梦想成真

分享者：

问：你来自哪里？
答：火星……喺香港出得梗系香港啦。

问：你什么时候参加工作假期？
答：2015-2016。

问：你曾到哪里工作假期？为什么会选择那个地方为目的地？
答：我喺2015年喺澳洲工作假期期间，香港同奥地利就签署咗工作假期协议，喺2015年生效。奥地利系我嘅梦想，所以我一完咗澳洲工作假期，就即刻紧接去埋奥地利工作假期。《Before Sunset》系一部我好钟意嘅电影，故事取景于维也纳，所以因为呢部电影，我一直都好想去维也纳。

问：在工作假期期间，你曾经做过什么工作？你又有修读什么短期课程吗？
答：喺奥地利期间，我一直都逗留喺维也纳，并喺一间Hostel打工换宿。原来真系好快乐，我喺个度学识生活简单有几快乐。另外，亦喺当地读过一个月嘅德文A1-1课程。

问：请分享你在工作假期中一个最难忘的经历。
答：喺奥地利有一个好靓嘅地方叫Hallstatt（哈尔施塔特），但系嗰边住好贵，咁我就拣咗住喺一个火车站前叫Bad Goisern（巴德哥依斯恩）嘅市镇，住咗七日。去到唔识开火车门，搞到miss咗个站，要坐返转头。
有一日，我想去影日出同埋湖上面起雾个景，咁半夜冇车冇巴士，我又唔识踩单车，咁只有行啦。就系咁样沿住条公路行，凌晨两点出发，一行就行咗两个几钟……影完返到去，老板同老板娘同我讲︰「你系咪傻架？！」
佢哋好Nice，喺嗰几日系咁教我有咩玩同去边玩，除咗Hallstatt，仲去咗一条叫Obertraun（特劳恩）嘅村庄玩，真系靓到不得了︰蓝天白云、高山，又舒服！原来老板仲要系Obertraun缆车站兼职售票员，再送张免费飞畀我上去玩多日。咁谂住过两日上去，前嗰晚天气好凉，第二朝起身，老板话山上落雪，但明明前日仲蓝天白云喎？！到我真系上到去，其实真系完全唔信——大雾又成地雪，真系完全系另一个世界，但讲梗只系两日！

问：工作假期为你带来最大的收获是什么？
答：因为之前去澳洲Working Holiday系同ex一齐，被照顾都几多；今次去奥地利就自己一个去，其实真系好大胆咁去行每一段路，冇女朋友喺身边可以更大胆去试同玩。

问：对于那些打算到你目的地工作假期的青年人，你能否给他们三个贴士？
答：
问：还有没有什么是你想补充的？
答：世界好大，唔好以自己为中心，放低自己所认识，去接受去学习新事物。睇下其他国家或者地区嘅文化，认识到自己生活其实好富庶，到时就会明白，自己追求嘅系咩嘢。

提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。

(Chinese version only)