容我张狂，由香港踩单车去英国工作假期
分享者：
丹尼尔 (2014-2016 英国)
问：你来自哪里？
答：你好，我系丹尼尔，来自香港深水埗。
问：你什么时候参加工作假期？
答：2014年6月28号，我由香港深水埗嘅屋企楼下出发，踩单车踩咗278日，去到英国工作假期。
问：你曾到哪里工作假期？为什么会选择那个地方为目的地？
答：其实早喺2011至2012年左右，上网见到有香港人由香港踩单车踩到去巴黎，就已经令我开始有踩单车去英国嘅念头，因为我本身好钟意英国，亦都系曼联球迷。然后就大学毕业，求其搵份工做咗一年几，储咗些少钱，就觉得差唔多系时候出发。
另外我又想去working holiday，原本打算去澳洲，谂住去完返嚟香港先开始踩单车去英国，或者调返转踩完单车去英国先至再去澳洲working holiday。点知嗰阵咁啱宣布2014年起香港人可以用特区护照申请英国工作假期，一去可以去两年，于是我就决定将「踩单车去英国」同埋「工作假期」呢两件捞埋做一件事。
问：在工作假期期间，你曾经做过什么工作？你又有修读什么短期课程吗？
答：决定去英国工作假期之后，我就一直立心要帮曼联打工，就算系做洗厕所都冇所谓。我本身预计由香港踩单车过到英国要半年左右，点知最后都用咗接近一年先过到嚟。
嚟到伦敦，我去咗一间中餐厅做厨房工，份工都几辛苦，工时好长，而且非常之忙。我谂如果唔系因为我经历过踩咗成年单车嘅磨练先至过嚟做呢份工，可能都未必顶到。
之后去Manchester（曼彻斯特），试过上网申请曼联嘅工，但系都冇回音。我惟有去间马来西亚人开嘅珍珠奶茶铺做住先，嗰段时间系最失落，因为冇办法如愿帮曼联打工。后来我发现原来英国啲人好兴亲身去间公司度递CV搵工，于是我就胆粗粗去咗曼联嘅奥脱福主场嘅官方礼品店递CV，结果一见完工，佢哋就即刻请咗我做part-time。成功帮曼联打工，有机会见到好多名宿，不过大机构始终都有佢嘅制度，所以未必咁容易可以亲近到啲球星，但起码买波飞会容易啲先。
问：请分享你在工作假期中一个最难忘的经历。
答：喺踩单车过程中、未去到英国之前，最难忘嘅经历系人与人之间嘅交流。其实我本身都冇踩开单车，喺香港亦冇试过踩公路，而行经嘅路线，除咗大陆之外我全部都未去过。所以啲朋友一知我要一个人踩单车去英国，都觉得好难以置信。但我想做啲特别嘅事，一系就唔做，一做我就要做啲黐线嘅！
由香港出发，经广西、云南、西藏、尼泊尔、印度、巴基斯坦、伊朗、土耳其再入到欧洲，虽然系一个人（同埋我架单车「忍者龟」）去，但我沿途都不断认识咗好多人，例如喺中国大陆遇上几个单车旅行者，同佢哋组成「小苹果车队」踩去西藏；喺网上认识先后认识咗两个香港人，成为我唔同阶段嘅战友；透过网上搵Couchsurfing（沙发冲浪，即系当地人畀背包客喺自己屋企梳发上借宿一宵）同Warmshowers（单车界嘅Couchsurfing，踩单车人专用）识咗好多唔同国家嘅屋主；沿途又喺好多机缘巧合下，周街识到好多当地人，有啲又执埋我回家收留我……又例如本身对印度感觉好差，但我识到嘅印度人反而好好人，又帮我搵地方住；喺大众印象中好危险嘅伊朗，我受过无数次真诚既招待，亦都识到好多真心朋友。
至于去到英国之后，最难忘嘅系喺曼联返工嘅第一日，就见到李克勤。
问：工作假期为你带来最大的收获是什么？
答：好老套都要讲，最大收获系扩阔咗眼界。踩几千公里单车去英国，经过好多国家。唔系冇惊过，但最惊系出发仲未踩出香港嗰阵，到出发之后已经豁出去冇野好惊，亦冇想中咁危险。就算系印度同巴基斯坦呢啲地方都冇想象中咁差，或者因为我系男仔，同埋多数经过乡村地方，啲人都好好。虽然沿途都算好好彩，但其实亦有唔少困难嘅时候，试过一日踩成二百公里、试过遇到唔友善嘅人、试过病、试过单车坏咗、试过喺尼泊尔瞓街……嗰一下辛苦还辛苦，但起码返到嚟之后有咩困难都面对到。
单车旅行嚟讲，278日唔算长。我喺斯洛伐克认识嘅一个英国人到我返到香港都仲喺路上继续踩梗、喺西藏见到由南京徒步到西藏嘅男人、遇到个已经行咗两年零九个月打算徒步到缅甸中年德国人……所以真系见识到呢个世界天外有天，比自己厉害嘅人实在大有人在。
出发去英国成个旅程，我基本上都坚持「唔会乘车」嘅原则。喺土耳其Istanbul（伊斯坦堡）中间有个横跨欧亚两洲嘅海，海上面条连接两洲嘅大桥唔畀单车出入，所以要乘车过桥。虽然条路只系五分钟车程，但因为条路好有意义，事后都令我几耿耿于怀。我份人本身都几硬颈，但以前系选择性硬颈，有啲嘢我都一样好容易会转軚、得过且过。但经过踩单车去英国之后，而家态度就改变左，做任何事更加唔会轻言放弃。坦白讲，中途系有踩到厌嘅感觉，变得好似为踩而踩咁，但好彩我好钟意搵人倾计，当我迫自己继续踩嘅时候，总会遇上一啲好人好事，佢哋都畀咗能量我去继续完成旅程。
虽然对我嚟讲踩单车过英国先系主菜，但我点都会想完成个工作假期去。到咗英国之后，算系个休息期，最大收获就系英文进步左。同样，视野亦都扩阔咗。本身虽然都钟意英国文化，但嚟到当地生活嘅感觉始终系唔同，好多嘢要亲身体验过先会知道。喺英国我平时返工放工都会踩单车，放假又会踩单车去啲短途trip咁。
问：对于那些打算到你目的地工作假期的青年人，你能否给他们三个贴士？
答：
问：还有没有什么是你想补充的？
答：我本身都唔系一个好了解自己嘅人，以前个人几迷失，就嚟大学毕业都唔知道自己想点，只会屈服于现实，做自己唔想做嘅嘢。但系今次旅程中多咗好多时间同自己对话，令我更加了解自己，知道自己将来条路想点行。未来打算喺一方面做符合现实嘅事嘅同时，一方面做自己想做嘅事。
提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。
答：你好，我系丹尼尔，来自香港深水埗。
问：你什么时候参加工作假期？
答：2014年6月28号，我由香港深水埗嘅屋企楼下出发，踩单车踩咗278日，去到英国工作假期。
问：你曾到哪里工作假期？为什么会选择那个地方为目的地？
答：其实早喺2011至2012年左右，上网见到有香港人由香港踩单车踩到去巴黎，就已经令我开始有踩单车去英国嘅念头，因为我本身好钟意英国，亦都系曼联球迷。然后就大学毕业，求其搵份工做咗一年几，储咗些少钱，就觉得差唔多系时候出发。
另外我又想去working holiday，原本打算去澳洲，谂住去完返嚟香港先开始踩单车去英国，或者调返转踩完单车去英国先至再去澳洲working holiday。点知嗰阵咁啱宣布2014年起香港人可以用特区护照申请英国工作假期，一去可以去两年，于是我就决定将「踩单车去英国」同埋「工作假期」呢两件捞埋做一件事。
问：在工作假期期间，你曾经做过什么工作？你又有修读什么短期课程吗？
答：决定去英国工作假期之后，我就一直立心要帮曼联打工，就算系做洗厕所都冇所谓。我本身预计由香港踩单车过到英国要半年左右，点知最后都用咗接近一年先过到嚟。
嚟到伦敦，我去咗一间中餐厅做厨房工，份工都几辛苦，工时好长，而且非常之忙。我谂如果唔系因为我经历过踩咗成年单车嘅磨练先至过嚟做呢份工，可能都未必顶到。
之后去Manchester（曼彻斯特），试过上网申请曼联嘅工，但系都冇回音。我惟有去间马来西亚人开嘅珍珠奶茶铺做住先，嗰段时间系最失落，因为冇办法如愿帮曼联打工。后来我发现原来英国啲人好兴亲身去间公司度递CV搵工，于是我就胆粗粗去咗曼联嘅奥脱福主场嘅官方礼品店递CV，结果一见完工，佢哋就即刻请咗我做part-time。成功帮曼联打工，有机会见到好多名宿，不过大机构始终都有佢嘅制度，所以未必咁容易可以亲近到啲球星，但起码买波飞会容易啲先。
问：请分享你在工作假期中一个最难忘的经历。
答：喺踩单车过程中、未去到英国之前，最难忘嘅经历系人与人之间嘅交流。其实我本身都冇踩开单车，喺香港亦冇试过踩公路，而行经嘅路线，除咗大陆之外我全部都未去过。所以啲朋友一知我要一个人踩单车去英国，都觉得好难以置信。但我想做啲特别嘅事，一系就唔做，一做我就要做啲黐线嘅！
由香港出发，经广西、云南、西藏、尼泊尔、印度、巴基斯坦、伊朗、土耳其再入到欧洲，虽然系一个人（同埋我架单车「忍者龟」）去，但我沿途都不断认识咗好多人，例如喺中国大陆遇上几个单车旅行者，同佢哋组成「小苹果车队」踩去西藏；喺网上认识先后认识咗两个香港人，成为我唔同阶段嘅战友；透过网上搵Couchsurfing（沙发冲浪，即系当地人畀背包客喺自己屋企梳发上借宿一宵）同Warmshowers（单车界嘅Couchsurfing，踩单车人专用）识咗好多唔同国家嘅屋主；沿途又喺好多机缘巧合下，周街识到好多当地人，有啲又执埋我回家收留我……又例如本身对印度感觉好差，但我识到嘅印度人反而好好人，又帮我搵地方住；喺大众印象中好危险嘅伊朗，我受过无数次真诚既招待，亦都识到好多真心朋友。
至于去到英国之后，最难忘嘅系喺曼联返工嘅第一日，就见到李克勤。
问：工作假期为你带来最大的收获是什么？
答：好老套都要讲，最大收获系扩阔咗眼界。踩几千公里单车去英国，经过好多国家。唔系冇惊过，但最惊系出发仲未踩出香港嗰阵，到出发之后已经豁出去冇野好惊，亦冇想中咁危险。就算系印度同巴基斯坦呢啲地方都冇想象中咁差，或者因为我系男仔，同埋多数经过乡村地方，啲人都好好。虽然沿途都算好好彩，但其实亦有唔少困难嘅时候，试过一日踩成二百公里、试过遇到唔友善嘅人、试过病、试过单车坏咗、试过喺尼泊尔瞓街……嗰一下辛苦还辛苦，但起码返到嚟之后有咩困难都面对到。
单车旅行嚟讲，278日唔算长。我喺斯洛伐克认识嘅一个英国人到我返到香港都仲喺路上继续踩梗、喺西藏见到由南京徒步到西藏嘅男人、遇到个已经行咗两年零九个月打算徒步到缅甸中年德国人……所以真系见识到呢个世界天外有天，比自己厉害嘅人实在大有人在。
出发去英国成个旅程，我基本上都坚持「唔会乘车」嘅原则。喺土耳其Istanbul（伊斯坦堡）中间有个横跨欧亚两洲嘅海，海上面条连接两洲嘅大桥唔畀单车出入，所以要乘车过桥。虽然条路只系五分钟车程，但因为条路好有意义，事后都令我几耿耿于怀。我份人本身都几硬颈，但以前系选择性硬颈，有啲嘢我都一样好容易会转軚、得过且过。但经过踩单车去英国之后，而家态度就改变左，做任何事更加唔会轻言放弃。坦白讲，中途系有踩到厌嘅感觉，变得好似为踩而踩咁，但好彩我好钟意搵人倾计，当我迫自己继续踩嘅时候，总会遇上一啲好人好事，佢哋都畀咗能量我去继续完成旅程。
虽然对我嚟讲踩单车过英国先系主菜，但我点都会想完成个工作假期去。到咗英国之后，算系个休息期，最大收获就系英文进步左。同样，视野亦都扩阔咗。本身虽然都钟意英国文化，但嚟到当地生活嘅感觉始终系唔同，好多嘢要亲身体验过先会知道。喺英国我平时返工放工都会踩单车，放假又会踩单车去啲短途trip咁。
问：对于那些打算到你目的地工作假期的青年人，你能否给他们三个贴士？
答：
1)
贴士就唔敢讲，但都想鼓励大家一句，唔好衰畀人睇，记得坚持到底。我知好多人都会去将working holiday标签为「唔捱得」、「唔面对现实」，我哋唔可以衰畀佢哋睇。
2)
要听人意见，但唔好太过听人嘅意见，否则好容易畀其他人嘅意见左右。有时可能你一开始嘅谂法先系最适合自己，人哋觉得适合你嘅嘢唔代表真系适合你。
3)
喺英国可以利用好多唔同网站或者App搵工，住方面可以住sharehouse，悭到钱之余亦都可以同外地人交流。
问：还有没有什么是你想补充的？
答：我本身都唔系一个好了解自己嘅人，以前个人几迷失，就嚟大学毕业都唔知道自己想点，只会屈服于现实，做自己唔想做嘅嘢。但系今次旅程中多咗好多时间同自己对话，令我更加了解自己，知道自己将来条路想点行。未来打算喺一方面做符合现实嘅事嘅同时，一方面做自己想做嘅事。
提提你：以上各个参加者的经验分享乃属个人意见，并不代表劳工处的立场。工作假期参加者在出发前应做好资料搜集，以取得最新和有效的资讯。
(Chinese version only)