容我張狂，由香港踩單車去英國工作假期
By
丹尼爾 (2014-2016 英國)
問：你來自哪裡？
答：你好，我係丹尼爾，來自香港深水埗。
問：你什麼時候參加工作假期？
答：2014年6月28號，我由香港深水埗嘅屋企樓下出發，踩單車踩咗278日，去到英國工作假期。
問：你曾到哪裡工作假期？為什麼會選擇那個地方為目的地？
答：其實早喺2011至2012年左右，上網見到有香港人由香港踩單車踩到去巴黎，就已經令我開始有踩單車去英國嘅念頭，因為我本身好鍾意英國，亦都係曼聯球迷。然後就大學畢業，求其搵份工做咗一年幾，儲咗些少錢，就覺得差唔多係時候出發。
另外我又想去working holiday，原本打算去澳洲，諗住去完返嚟香港先開始踩單車去英國，或者調返轉踩完單車去英國先至再去澳洲working holiday。點知嗰陣咁啱宣佈2014年起香港人可以用特區護照申請英國工作假期，一去可以去兩年，於是我就決定將「踩單車去英國」同埋「工作假期」呢兩件撈埋做一件事。
問：在工作假期期間，你曾經做過什麼工作？你又有修讀什麼短期課程嗎？
答：決定去英國工作假期之後，我就一直立心要幫曼聯打工，就算係做洗廁所都冇所謂。我本身預計由香港踩單車過到英國要半年左右，點知最後都用咗接近一年先過到嚟。
嚟到倫敦，我去咗一間中餐廳做廚房工，份工都幾辛苦，工時好長，而且非常之忙。我諗如果唔係因為我經歷過踩咗成年單車嘅磨練先至過嚟做呢份工，可能都未必頂到。
之後去Manchester（曼徹斯特），試過上網申請曼聯嘅工，但係都冇回音。我惟有去間馬來西亞人開嘅珍珠奶茶鋪做住先，嗰段時間係最失落，因為冇辦法如願幫曼聯打工。後來我發現原來英國啲人好興親身去間公司度遞CV搵工，於是我就膽粗粗去咗曼聯嘅奧脫福主場嘅官方禮品店遞CV，結果一見完工，佢哋就即刻請咗我做part-time。成功幫曼聯打工，有機會見到好多名宿，不過大機構始終都有佢嘅制度，所以未必咁容易可以親近到啲球星，但起碼買波飛會容易啲先。
問：請分享你在工作假期中一個最難忘的經歷。
答：喺踩單車過程中、未去到英國之前，最難忘嘅經歷係人與人之間嘅交流。其實我本身都冇踩開單車，喺香港亦冇試過踩公路，而行經嘅路線，除咗大陸之外我全部都未去過。所以啲朋友一知我要一個人踩單車去英國，都覺得好難以置信。但我想做啲特別嘅事，一係就唔做，一做我就要做啲黐線嘅！
由香港出發，經廣西、雲南、西藏、尼泊爾、印度、巴基斯坦、伊朗、土耳其再入到歐洲，雖然係一個人（同埋我架單車「忍者龜」）去，但我沿途都不斷認識咗好多人，例如喺中國大陸遇上幾個單車旅行者，同佢哋組成「小蘋果車隊」踩去西藏；喺網上認識先後認識咗兩個香港人，成為我唔同階段嘅戰友；透過網上搵Couchsurfing（沙發衝浪，即係當地人畀背包客喺自己屋企梳發上借宿一宵）同Warmshowers（單車界嘅Couchsurfing，踩單車人專用）識咗好多唔同國家嘅屋主；沿途又喺好多機緣巧合下，周街識到好多當地人，有啲又執埋我返屋企收留我……又例如本身對印度感覺好差，但我識到嘅印度人反而好好人，又幫我搵地方住；喺大眾印象中好危險嘅伊朗，我受過無數次真誠既招待，亦都識到好多真心朋友。
至於去到英國之後，最難忘嘅係喺曼聯返工嘅第一日，就見到李克勤。
問：工作假期為你帶來最大的收穫是什麼？
答：好老套都要講，最大收穫係擴闊咗眼界。踩幾千公里單車去英國，經過好多國家。唔係冇驚過，但最驚係出發仲未踩出香港嗰陣，到出發之後已經豁出去冇野好驚，亦冇想中咁危險。就算係印度同巴基斯坦呢啲地方都冇想像中咁差，或者因為我係男仔，同埋多數經過鄉村地方，啲人都好好。雖然沿途都算好好彩，但其實亦有唔少困難嘅時候，試過一日踩成二百公里、試過遇到唔友善嘅人、試過病、試過單車壞咗、試過喺尼泊爾瞓街……嗰一下辛苦還辛苦，但起碼返到嚟之後有咩困難都面對到。
單車旅行嚟講，278日唔算長。我喺斯洛伐克認識嘅一個英國人到我返到香港都仲喺路上繼續踩梗、喺西藏見到由南京徒步到西藏嘅男人、遇到個已經行咗兩年零九個月打算徒步到緬甸中年德國人……所以真係見識到呢個世界天外有天，比自己厲害嘅人實在大有人在。
出發去英國成個旅程，我基本上都堅持「唔會搭車」嘅原則。喺土耳其Istanbul（伊斯坦堡）中間有個橫跨歐亞兩洲嘅海，海上面條連接兩洲嘅大橋唔畀單車出入，所以要搭車過橋。雖然條路只係五分鐘車程，但因為條路好有意義，事後都令我幾耿耿於懷。我份人本身都幾硬頸，但以前係選擇性硬頸，有啲嘢我都一樣好容易會轉軚、得過且過。但經過踩單車去英國之後，而家態度就改變左，做任何事更加唔會輕言放棄。坦白講，中途係有踩到厭嘅感覺，變得好似為踩而踩咁，但好彩我好鍾意搵人傾計，當我迫自己繼續踩嘅時候，總會遇上一啲好人好事，佢哋都畀咗能量我去繼續完成旅程。
雖然對我嚟講踩單車過英國先係主菜，但我點都會想完成個工作假期去。到咗英國之後，算係個休息期，最大收穫就係英文進步左。同樣，視野亦都擴闊咗。本身雖然都鍾意英國文化，但嚟到當地生活嘅感覺始終係唔同，好多嘢要親身體驗過先會知道。喺英國我平時返工放工都會踩單車，放假又會踩單車去啲短途trip咁。
問：對於那些打算到你目的地工作假期的青年人，你能否給他們三個貼士？
答：
問：還有沒有什麼是你想補充的？
答：我本身都唔係一個好了解自己嘅人，以前個人幾迷失，就嚟大學畢業都唔知道自己想點，只會屈服於現實，做自己唔想做嘅嘢。但係今次旅程中多咗好多時間同自己對話，令我更加了解自己，知道自己將來條路想點行。未來打算喺一方面做符合現實嘅事嘅同時，一方面做自己想做嘅事。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
答：你好，我係丹尼爾，來自香港深水埗。
問：你什麼時候參加工作假期？
答：2014年6月28號，我由香港深水埗嘅屋企樓下出發，踩單車踩咗278日，去到英國工作假期。
問：你曾到哪裡工作假期？為什麼會選擇那個地方為目的地？
答：其實早喺2011至2012年左右，上網見到有香港人由香港踩單車踩到去巴黎，就已經令我開始有踩單車去英國嘅念頭，因為我本身好鍾意英國，亦都係曼聯球迷。然後就大學畢業，求其搵份工做咗一年幾，儲咗些少錢，就覺得差唔多係時候出發。
另外我又想去working holiday，原本打算去澳洲，諗住去完返嚟香港先開始踩單車去英國，或者調返轉踩完單車去英國先至再去澳洲working holiday。點知嗰陣咁啱宣佈2014年起香港人可以用特區護照申請英國工作假期，一去可以去兩年，於是我就決定將「踩單車去英國」同埋「工作假期」呢兩件撈埋做一件事。
問：在工作假期期間，你曾經做過什麼工作？你又有修讀什麼短期課程嗎？
答：決定去英國工作假期之後，我就一直立心要幫曼聯打工，就算係做洗廁所都冇所謂。我本身預計由香港踩單車過到英國要半年左右，點知最後都用咗接近一年先過到嚟。
嚟到倫敦，我去咗一間中餐廳做廚房工，份工都幾辛苦，工時好長，而且非常之忙。我諗如果唔係因為我經歷過踩咗成年單車嘅磨練先至過嚟做呢份工，可能都未必頂到。
之後去Manchester（曼徹斯特），試過上網申請曼聯嘅工，但係都冇回音。我惟有去間馬來西亞人開嘅珍珠奶茶鋪做住先，嗰段時間係最失落，因為冇辦法如願幫曼聯打工。後來我發現原來英國啲人好興親身去間公司度遞CV搵工，於是我就膽粗粗去咗曼聯嘅奧脫福主場嘅官方禮品店遞CV，結果一見完工，佢哋就即刻請咗我做part-time。成功幫曼聯打工，有機會見到好多名宿，不過大機構始終都有佢嘅制度，所以未必咁容易可以親近到啲球星，但起碼買波飛會容易啲先。
問：請分享你在工作假期中一個最難忘的經歷。
答：喺踩單車過程中、未去到英國之前，最難忘嘅經歷係人與人之間嘅交流。其實我本身都冇踩開單車，喺香港亦冇試過踩公路，而行經嘅路線，除咗大陸之外我全部都未去過。所以啲朋友一知我要一個人踩單車去英國，都覺得好難以置信。但我想做啲特別嘅事，一係就唔做，一做我就要做啲黐線嘅！
由香港出發，經廣西、雲南、西藏、尼泊爾、印度、巴基斯坦、伊朗、土耳其再入到歐洲，雖然係一個人（同埋我架單車「忍者龜」）去，但我沿途都不斷認識咗好多人，例如喺中國大陸遇上幾個單車旅行者，同佢哋組成「小蘋果車隊」踩去西藏；喺網上認識先後認識咗兩個香港人，成為我唔同階段嘅戰友；透過網上搵Couchsurfing（沙發衝浪，即係當地人畀背包客喺自己屋企梳發上借宿一宵）同Warmshowers（單車界嘅Couchsurfing，踩單車人專用）識咗好多唔同國家嘅屋主；沿途又喺好多機緣巧合下，周街識到好多當地人，有啲又執埋我返屋企收留我……又例如本身對印度感覺好差，但我識到嘅印度人反而好好人，又幫我搵地方住；喺大眾印象中好危險嘅伊朗，我受過無數次真誠既招待，亦都識到好多真心朋友。
至於去到英國之後，最難忘嘅係喺曼聯返工嘅第一日，就見到李克勤。
問：工作假期為你帶來最大的收穫是什麼？
答：好老套都要講，最大收穫係擴闊咗眼界。踩幾千公里單車去英國，經過好多國家。唔係冇驚過，但最驚係出發仲未踩出香港嗰陣，到出發之後已經豁出去冇野好驚，亦冇想中咁危險。就算係印度同巴基斯坦呢啲地方都冇想像中咁差，或者因為我係男仔，同埋多數經過鄉村地方，啲人都好好。雖然沿途都算好好彩，但其實亦有唔少困難嘅時候，試過一日踩成二百公里、試過遇到唔友善嘅人、試過病、試過單車壞咗、試過喺尼泊爾瞓街……嗰一下辛苦還辛苦，但起碼返到嚟之後有咩困難都面對到。
單車旅行嚟講，278日唔算長。我喺斯洛伐克認識嘅一個英國人到我返到香港都仲喺路上繼續踩梗、喺西藏見到由南京徒步到西藏嘅男人、遇到個已經行咗兩年零九個月打算徒步到緬甸中年德國人……所以真係見識到呢個世界天外有天，比自己厲害嘅人實在大有人在。
出發去英國成個旅程，我基本上都堅持「唔會搭車」嘅原則。喺土耳其Istanbul（伊斯坦堡）中間有個橫跨歐亞兩洲嘅海，海上面條連接兩洲嘅大橋唔畀單車出入，所以要搭車過橋。雖然條路只係五分鐘車程，但因為條路好有意義，事後都令我幾耿耿於懷。我份人本身都幾硬頸，但以前係選擇性硬頸，有啲嘢我都一樣好容易會轉軚、得過且過。但經過踩單車去英國之後，而家態度就改變左，做任何事更加唔會輕言放棄。坦白講，中途係有踩到厭嘅感覺，變得好似為踩而踩咁，但好彩我好鍾意搵人傾計，當我迫自己繼續踩嘅時候，總會遇上一啲好人好事，佢哋都畀咗能量我去繼續完成旅程。
雖然對我嚟講踩單車過英國先係主菜，但我點都會想完成個工作假期去。到咗英國之後，算係個休息期，最大收穫就係英文進步左。同樣，視野亦都擴闊咗。本身雖然都鍾意英國文化，但嚟到當地生活嘅感覺始終係唔同，好多嘢要親身體驗過先會知道。喺英國我平時返工放工都會踩單車，放假又會踩單車去啲短途trip咁。
問：對於那些打算到你目的地工作假期的青年人，你能否給他們三個貼士？
答：
1)
貼士就唔敢講，但都想鼓勵大家一句，唔好衰畀人睇，記得堅持到底。我知好多人都會去將working holiday標籤為「唔捱得」、「唔面對現實」，我哋唔可以衰畀佢哋睇。
2)
要聽人意見，但唔好太過聽人嘅意見，否則好容易畀其他人嘅意見左右。有時可能你一開始嘅諗法先係最適合自己，人哋覺得適合你嘅嘢唔代表真係適合你。
3)
喺英國可以利用好多唔同網站或者App搵工，住方面可以住sharehouse，慳到錢之餘亦都可以同外地人交流。
問：還有沒有什麼是你想補充的？
答：我本身都唔係一個好了解自己嘅人，以前個人幾迷失，就嚟大學畢業都唔知道自己想點，只會屈服於現實，做自己唔想做嘅嘢。但係今次旅程中多咗好多時間同自己對話，令我更加了解自己，知道自己將來條路想點行。未來打算喺一方面做符合現實嘅事嘅同時，一方面做自己想做嘅事。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)