從獅子山下嫁到阿爾卑斯山山腳做餅
By
法國人妻 (2016-2017 法國)
問︰你來自哪裡？
答︰我來自香港沙田，而家喺法國定居。
問︰你什麼時候參加工作假期？
答︰2016年至2017年。
問︰你曾到哪裡工作假期？為什麼會選擇那個地方為目的地？
答︰我去過法國working holiday（工作假期）。嗰陣我同當時嘅男朋友一直都long D（遙距離戀愛）緊，佢係法國人，咁點都要搵個方法令我哋能夠真真正正咁喺埋一齊。於是我就用working holiday嘅方式去咗法國，睇下習唔習慣到嗰邊嘅生活，同埋可唔可以喺嗰邊搵到工。因為佢家鄉就喺法國東南部嘅Chambéry（尚貝里），所以我都主要留喺嗰度。
問︰在工作假期期間，你曾經做過什麼工作？你又有修讀什麼短期課程嗎？
答︰我淨係做過一份工作，亦都係而家仲做緊嘅呢份工，就係喺Chambéry嘅一間餅店做甜品。本身我喺香港時都係一個甜品廚師，做過酒店，亦做過法國餐廳，都有跟過法籍廚師一齊做嘢，所以嚟到法國都想繼續發展整甜品嘅手藝。法國甜品之所以咁出名係有佢嘅歷史原因，由於以前嘅宮廷貴族好喜愛食甜品，所以法國本身就係好多甜品嘅發源地，最好嘅師傅基本上都喺晒法國呀、巴黎呀咁。
另一個原因係同呢度嘅地理同埋農產物有關，例如法國嘅車厘子係每年五月六月先有，但係喺香港就全年都有，因為香港嘅水果都係進口，所以我哋冇嗰種季節性嘅概念。但法國就夏天嘅時候只有夏天嘅水果，冬天嘅時候就只有冬天嘅水果，亦即係所謂嘅「不時不食」。法國好多食品都有「產區認證」（AOP，法文︰Appellation d'Origine Protégée），有晒條例認可唔同產品嘅原產地，咁就解釋到點解法國嘅芝士、紅酒，仲有奶類製品、生果、果仁等等會咁好呢，因為政府真係會立例去指引生產嘅過程，唔符合要求嘅係唔可以貼上呢個產區認證。
法國人由細到大都有呢種概念，我返工間餅店嘅廚師兼老細亦都好注重材料嘅產地。所以呢度賣嘅蛋糕同甜品每季都唔同款，例如紅桑子當造嗰陣就會出紅桑子蛋糕。呢度鋪頭細，所有甜品都係homemade（自家製），鋪細亦都會比較彈性，蛋糕會成日轉款，所以學到好多嘢。
讀書方面，我喺夏天嗰陣讀過一個為期兩星期嘅短期法文班，學啲基本嘅法文，但咁短期其實真係學得好皮毛。
問︰請分享你在工作假期中一個最難忘的經歷。
答︰最難忘嘅經歷係搵工嘅過程。嚟到法國之前，我只學過一年法文，而且得好基本嘅程度，所以嚟到差唔多完全唔識講法文。本身我係send email（電郵）搵工，但搵極都搵唔到，咩消息都冇，原來法國人基本上係唔會覆email嘅。
跟住我都試過去里昂呢啲城市地方，去心儀嘅餅店敲門，問吓佢哋請唔請人，但都係唔成功。所以頭幾個月我嘅生活都係去旅行同埋搵工，但又搵極都搵唔到，都開始徬徨。
有一次我路過一間市中心新開張幾個月嘅餅店，見啲餅幾靚就入去食。個waitress（女侍應）啲英文好好，又同我傾偈，知道我搵緊工，就話我知佢哋餅房好忙請人喎，老細見我之前喺香港係有經驗，就叫我去試工。跟住我喺度試咗一日工之後，老細就請咗我喇，我亦都成為咗呢度第一個廚房員工。當時工作假期張簽證限制咗每份工最長只可以做六個月，本身係會難搵工，但因為間餅店嗰時只係啱啱起步，唔敢請長工住，所以請我嚟做短期工就啱晒喇。
雖然好多法國人嘅英文都好差，但返工間餅店啲同事嘅英文都好好，佢哋本身都淨係同我講英文。直到完咗份工我返咗香港一排，之後再返去法國結婚，餅店又重新請返我，呢個時候佢哋就開始意識到應該要同我講法文。
問︰工作假期為你帶來最大的收穫是什麼？
答︰最大嘅收穫係得到咗一個老公！
我同老公係喺香港識嘅，佢之前都嚟過香港住過幾個月，但係香港嘅生活節奏實在太急，唔係咁適合佢。咁兩個人要一齊，一係就佢郁，一係就我郁，所以我就嚟法國working holiday喇。咁當然我本身都鍾意法國嘅生活，幸運地又搵到一份自己喜歡嘅工作，呢度生活節奏又慢啲，因為我都覺香港好急。係working holiday 呢段時間，我適應到法國既生活，而我哋亦都有更多時間可以相處同了解對方，為咗可以繼續共同生活，我哋決定咗結婚。
問︰對於那些打算到你目的地工作假期的青年人，你能否給他們三個貼士？
答：
問︰還有沒有什麼是你想補充的？
答︰巴黎係好好，但唔好只係想去巴黎。好多人對法國嘅印象就只得巴黎，但其實法國嘅精華地方喺其他省度，無論係東南西北都有好靚嘅自然山水，好多文化體驗，既然嚟working holiday有一年咁耐時間，可以體驗多啲，深入認識法國文化。
至於安全方面，如果係恐怖襲擊就冇得講，根本冇得避，就算係細城市都有機會中。但Chambéry嘅日常治安就好好，咁當然要比起香港，都仲係要提防多啲。如果去巴黎就更加要小心，佢哋有句說話係︰「背包裡的東西是別人的東西」，始終嗰度比較雜，勁多扒手，我就試過畀人偷護照，直頭連喺邊度畀人偷咗都唔知。
好多人話法國人好寸、唔講英文，呢啲都係對巴黎嘅印象，始終係大城市吖嘛。但其實去到里昂已經唔同，去到Chambéry就更加唔同喇，呢度啲人超nice（友善），佢哋就算聽唔明英文都會嘗試同你講，同埋佢哋好proud of（自豪）自己國家嘅自然環境同埋產物，會係咁同你分享，令你睇多好多嘢，擺脫本身對法國既定嘅刻板印象。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
答︰我來自香港沙田，而家喺法國定居。
問︰你什麼時候參加工作假期？
答︰2016年至2017年。
問︰你曾到哪裡工作假期？為什麼會選擇那個地方為目的地？
答︰我去過法國working holiday（工作假期）。嗰陣我同當時嘅男朋友一直都long D（遙距離戀愛）緊，佢係法國人，咁點都要搵個方法令我哋能夠真真正正咁喺埋一齊。於是我就用working holiday嘅方式去咗法國，睇下習唔習慣到嗰邊嘅生活，同埋可唔可以喺嗰邊搵到工。因為佢家鄉就喺法國東南部嘅Chambéry（尚貝里），所以我都主要留喺嗰度。
問︰在工作假期期間，你曾經做過什麼工作？你又有修讀什麼短期課程嗎？
答︰我淨係做過一份工作，亦都係而家仲做緊嘅呢份工，就係喺Chambéry嘅一間餅店做甜品。本身我喺香港時都係一個甜品廚師，做過酒店，亦做過法國餐廳，都有跟過法籍廚師一齊做嘢，所以嚟到法國都想繼續發展整甜品嘅手藝。法國甜品之所以咁出名係有佢嘅歷史原因，由於以前嘅宮廷貴族好喜愛食甜品，所以法國本身就係好多甜品嘅發源地，最好嘅師傅基本上都喺晒法國呀、巴黎呀咁。
另一個原因係同呢度嘅地理同埋農產物有關，例如法國嘅車厘子係每年五月六月先有，但係喺香港就全年都有，因為香港嘅水果都係進口，所以我哋冇嗰種季節性嘅概念。但法國就夏天嘅時候只有夏天嘅水果，冬天嘅時候就只有冬天嘅水果，亦即係所謂嘅「不時不食」。法國好多食品都有「產區認證」（AOP，法文︰Appellation d'Origine Protégée），有晒條例認可唔同產品嘅原產地，咁就解釋到點解法國嘅芝士、紅酒，仲有奶類製品、生果、果仁等等會咁好呢，因為政府真係會立例去指引生產嘅過程，唔符合要求嘅係唔可以貼上呢個產區認證。
法國人由細到大都有呢種概念，我返工間餅店嘅廚師兼老細亦都好注重材料嘅產地。所以呢度賣嘅蛋糕同甜品每季都唔同款，例如紅桑子當造嗰陣就會出紅桑子蛋糕。呢度鋪頭細，所有甜品都係homemade（自家製），鋪細亦都會比較彈性，蛋糕會成日轉款，所以學到好多嘢。
讀書方面，我喺夏天嗰陣讀過一個為期兩星期嘅短期法文班，學啲基本嘅法文，但咁短期其實真係學得好皮毛。
問︰請分享你在工作假期中一個最難忘的經歷。
答︰最難忘嘅經歷係搵工嘅過程。嚟到法國之前，我只學過一年法文，而且得好基本嘅程度，所以嚟到差唔多完全唔識講法文。本身我係send email（電郵）搵工，但搵極都搵唔到，咩消息都冇，原來法國人基本上係唔會覆email嘅。
跟住我都試過去里昂呢啲城市地方，去心儀嘅餅店敲門，問吓佢哋請唔請人，但都係唔成功。所以頭幾個月我嘅生活都係去旅行同埋搵工，但又搵極都搵唔到，都開始徬徨。
有一次我路過一間市中心新開張幾個月嘅餅店，見啲餅幾靚就入去食。個waitress（女侍應）啲英文好好，又同我傾偈，知道我搵緊工，就話我知佢哋餅房好忙請人喎，老細見我之前喺香港係有經驗，就叫我去試工。跟住我喺度試咗一日工之後，老細就請咗我喇，我亦都成為咗呢度第一個廚房員工。當時工作假期張簽證限制咗每份工最長只可以做六個月，本身係會難搵工，但因為間餅店嗰時只係啱啱起步，唔敢請長工住，所以請我嚟做短期工就啱晒喇。
雖然好多法國人嘅英文都好差，但返工間餅店啲同事嘅英文都好好，佢哋本身都淨係同我講英文。直到完咗份工我返咗香港一排，之後再返去法國結婚，餅店又重新請返我，呢個時候佢哋就開始意識到應該要同我講法文。
問︰工作假期為你帶來最大的收穫是什麼？
答︰最大嘅收穫係得到咗一個老公！
我同老公係喺香港識嘅，佢之前都嚟過香港住過幾個月，但係香港嘅生活節奏實在太急，唔係咁適合佢。咁兩個人要一齊，一係就佢郁，一係就我郁，所以我就嚟法國working holiday喇。咁當然我本身都鍾意法國嘅生活，幸運地又搵到一份自己喜歡嘅工作，呢度生活節奏又慢啲，因為我都覺香港好急。係working holiday 呢段時間，我適應到法國既生活，而我哋亦都有更多時間可以相處同了解對方，為咗可以繼續共同生活，我哋決定咗結婚。
問︰對於那些打算到你目的地工作假期的青年人，你能否給他們三個貼士？
答：
1)
最緊要最緊要最緊要——認清你嘅目標
我覺得去法國working holiday同其他地方有啲唔同，相比起其他英語國家算係難度比較高，雖然都會搵到工，但法國人嘅英文程度係真係差，所以如果唔識法文，喺度生活會有好多問題。要諗清楚點解你想嚟，唔好純粹係因為覺得法國好浪漫就過嚟。冇錯就算唔識法文，都可以去巴黎啲唐餐館返工然後喺歐洲四圍旅行，但咁樣我會覺得有啲可惜，因為既然你已經走出咗你嘅comfort zone（舒適圈）過嚟working holiday，係可以試啲唔同嘅嘢，如果嚟到都淨係去吓羅浮宮嗰啲，咁嚟旅行都得啦。既然嚟得working holiday最好就深入啲去探索法國。咁當然如果你本身就係鍾意返唐餐工，或者只係當係賺旅費，咁都冇咩問題，總之要知道自己目標。
另外，有時聽啲人話去澳洲working holiday可以搵到十幾萬返嚟，但喺法國係唔會發生呢件事。法國打工唔會搵好多錢，現時（2018）最低工資（SMIC）稅後都係1,200歐元左右一個月。
我覺得去法國working holiday同其他地方有啲唔同，相比起其他英語國家算係難度比較高，雖然都會搵到工，但法國人嘅英文程度係真係差，所以如果唔識法文，喺度生活會有好多問題。要諗清楚點解你想嚟，唔好純粹係因為覺得法國好浪漫就過嚟。冇錯就算唔識法文，都可以去巴黎啲唐餐館返工然後喺歐洲四圍旅行，但咁樣我會覺得有啲可惜，因為既然你已經走出咗你嘅comfort zone（舒適圈）過嚟working holiday，係可以試啲唔同嘅嘢，如果嚟到都淨係去吓羅浮宮嗰啲，咁嚟旅行都得啦。既然嚟得working holiday最好就深入啲去探索法國。咁當然如果你本身就係鍾意返唐餐工，或者只係當係賺旅費，咁都冇咩問題，總之要知道自己目標。
另外，有時聽啲人話去澳洲working holiday可以搵到十幾萬返嚟，但喺法國係唔會發生呢件事。法國打工唔會搵好多錢，現時（2018）最低工資（SMIC）稅後都係1,200歐元左右一個月。
2)
做好語言、金錢同心理準備
嚟法國真係要做好準備，佢唔似英語國家咁容易溝通，因為法國人英文真係唔好。語言好緊要，要識基本法文，起碼都要識睇。除非有當地人幫手，例如嗰陣我男朋友都幫我手安排咗好多嘢，否則語言唔同真係搞唔掂，會連生活上嘅基本嘢，好似係去銀行開戶口、落地時開張電話卡、畀人偷嘢去報案都做唔到，連租屋都會好困難。所以要做多啲資料搜集，睇多啲blog（網誌），例如我嘅facebook page啦（我在阿爾卑斯山山腳做餅 與瘋狂廢噏），或者一啲台灣人嘅blog資訊都好豐富。
同埋要準備多啲錢，當你有錢就唔使為左要交租要生活而去做啲你根本唔想做嘅工，可以用盡呢個working holiday嘅機會去體驗，始終法國呢個簽證嘅機會你一生人只會得一次。
亦都要做好更多心理準備，法國嘅行政係舉世知名超超超超超慢，無論係政府同私人機構，總之呢度任何同「效率」有關嘅嘢都係好差，千祈唔好同香港比。
嚟法國真係要做好準備，佢唔似英語國家咁容易溝通，因為法國人英文真係唔好。語言好緊要，要識基本法文，起碼都要識睇。除非有當地人幫手，例如嗰陣我男朋友都幫我手安排咗好多嘢，否則語言唔同真係搞唔掂，會連生活上嘅基本嘢，好似係去銀行開戶口、落地時開張電話卡、畀人偷嘢去報案都做唔到，連租屋都會好困難。所以要做多啲資料搜集，睇多啲blog（網誌），例如我嘅facebook page啦（我在阿爾卑斯山山腳做餅 與瘋狂廢噏），或者一啲台灣人嘅blog資訊都好豐富。
同埋要準備多啲錢，當你有錢就唔使為左要交租要生活而去做啲你根本唔想做嘅工，可以用盡呢個working holiday嘅機會去體驗，始終法國呢個簽證嘅機會你一生人只會得一次。
亦都要做好更多心理準備，法國嘅行政係舉世知名超超超超超慢，無論係政府同私人機構，總之呢度任何同「效率」有關嘅嘢都係好差，千祈唔好同香港比。
3)
搵工要主動出擊
搵工方面都係睇你法文程度同埋工作經驗，我就鼓勵大家主動出擊。呢度都有啲類似勞工處嘅搵工網站（https://www.pole-emploi.fr/accueil/），或者登分類廣告嘅網站會登招聘（https://www.leboncoin.fr/offres_d_emploi/offres/）但法國嘅失業率都幾高，就算係普通一份sales（售貨員）嘅工都有百幾人同你爭，所以靠正常途徑send email搵工真係好難，尤其係短工就仲難。所以我建議大家鎖定自己想搵嘅工種或者返工嘅地方，然後直接上門敲門，唔好怕面懵，面皮要厚啲。我覺得法國人普遍都係善良同埋鍾意「𢯎水吹」，只要同對方有面對面傾過偈留下印象，佢哋通常都願意幫你。
搵工方面都係睇你法文程度同埋工作經驗，我就鼓勵大家主動出擊。呢度都有啲類似勞工處嘅搵工網站（https://www.pole-emploi.fr/accueil/），或者登分類廣告嘅網站會登招聘（https://www.leboncoin.fr/offres_d_emploi/offres/）但法國嘅失業率都幾高，就算係普通一份sales（售貨員）嘅工都有百幾人同你爭，所以靠正常途徑send email搵工真係好難，尤其係短工就仲難。所以我建議大家鎖定自己想搵嘅工種或者返工嘅地方，然後直接上門敲門，唔好怕面懵，面皮要厚啲。我覺得法國人普遍都係善良同埋鍾意「𢯎水吹」，只要同對方有面對面傾過偈留下印象，佢哋通常都願意幫你。
問︰還有沒有什麼是你想補充的？
答︰巴黎係好好，但唔好只係想去巴黎。好多人對法國嘅印象就只得巴黎，但其實法國嘅精華地方喺其他省度，無論係東南西北都有好靚嘅自然山水，好多文化體驗，既然嚟working holiday有一年咁耐時間，可以體驗多啲，深入認識法國文化。
至於安全方面，如果係恐怖襲擊就冇得講，根本冇得避，就算係細城市都有機會中。但Chambéry嘅日常治安就好好，咁當然要比起香港，都仲係要提防多啲。如果去巴黎就更加要小心，佢哋有句說話係︰「背包裡的東西是別人的東西」，始終嗰度比較雜，勁多扒手，我就試過畀人偷護照，直頭連喺邊度畀人偷咗都唔知。
好多人話法國人好寸、唔講英文，呢啲都係對巴黎嘅印象，始終係大城市吖嘛。但其實去到里昂已經唔同，去到Chambéry就更加唔同喇，呢度啲人超nice（友善），佢哋就算聽唔明英文都會嘗試同你講，同埋佢哋好proud of（自豪）自己國家嘅自然環境同埋產物，會係咁同你分享，令你睇多好多嘢，擺脫本身對法國既定嘅刻板印象。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)