80後從香港教室走到英國教室
By
阿姍 (2017-2019 英國)
問︰你來自哪裡？
答︰香港。
問︰你什麼時候參加工作假期？
答︰我同男朋友一齊喺2017年9月參加working holiday program（工作假期計劃）。
問︰你曾到哪裡工作假期？為什麼會選擇那個地方為目的地？
答︰英國。因為我哋想喺外地都可以從事返同自己專業相關嘅工作（唔想去摘生果），去「holiday（假期）」之餘又可以同時增加自己嘅「working experience（工作經驗）」，而去英國要面對嘅語言問題相對較細，倫敦相對英國其他城市又更多元化，有更多工作機會，因此最後就選擇咗喺倫敦落腳。
問︰在工作假期期間，你曾經做過什麼工作？你又有修讀什麼短期課程嗎？
答︰喺呢兩年裡面，我試過不同嘅工作，長期短期都有。我做過教師、教學助理，褓母、派傳單同領隊，期間亦都有上網讀過啲同教學相關嘅短期課程。而男朋友亦都做返佢嘅專業，喺倫敦從事電腦相關工作。
問︰請分享你在工作假期中一個最難忘的經歷。
答︰其實整個旅程都有好多難忘嘅經歷，做褓母幫小朋友換片片、走入英國學校工作、喺London Eye（倫敦眼）前睇完除夕煙花被求婚、去唔同嘅國家旅行等，好多都好難忘。但最難忘嘅經歷應該就係喺英國學校做嘢嘅時間，作為一個non-native（非本地人）要教一班28個native（本地）小朋友，上至英文數學，下至常識科學，每日都要為聽日嘅教材教案拼博。但每次睇見小朋友開心嘅笑容，佢哋掌握知識嘅滿足感，每一句童言童語都令我覺得再辛苦都係值得嘅。最後我申請唔到working visa（工作簽證）要返香港，好多家長都好難過，到最後一日要同小朋友講再見時，大家都好傷心，好多小朋友都唔捨得走，因為大家都知道呢一別好可能係以後都唔會再見。但即使離別好傷感，我仍然好慶幸我有呢個機會見證住一班小朋友成長，同佢哋一齊進行過好多難忘嘅活動，陪佢哋度過咗小學階段嘅第一年。
問︰工作假期為你帶來最大的收穫是什麼？
答︰就工作方面，能夠係英國嘅學校做嘢，由一個教學助理做到教師，我體驗到英國嘅教育文化，我亦喺依段期間體會到外國教學同香港嘅不同之處。即使返到香港繼續教書，我仍然可以將喺英國得到嘅經驗應用喺而家嘅教學上。除此以外，學識點樣照顧自己，由洗衫煮飯，到財政分配，樣樣都好重要亦都有得著，呢啲係喺香港同屋企人同住比較難學到嘅嘢。
問︰對於那些打算到你目的地工作假期的青年人，你能否給他們三個貼士？
答︰
問︰還有沒有什麼是你想補充的？
答︰喺搵工嘅過程中，唔少人都會為申請所需相關文件而煩惱，但有關嘅資料喺網上少之又少，所以我會建議唔好怕醜，主動去問下有經驗嘅前人。自己完成後，亦可以將經驗寫低，同其他有需要嘅人分享，將經驗傳承落去。
如果想了解點樣喺英國搵教育相關工作，或者如何申請無犯罪記錄證明，可以去我專頁了解： https://www.facebook.com/working.holiday.in.UK/
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
答︰香港。
問︰你什麼時候參加工作假期？
答︰我同男朋友一齊喺2017年9月參加working holiday program（工作假期計劃）。
問︰你曾到哪裡工作假期？為什麼會選擇那個地方為目的地？
答︰英國。因為我哋想喺外地都可以從事返同自己專業相關嘅工作（唔想去摘生果），去「holiday（假期）」之餘又可以同時增加自己嘅「working experience（工作經驗）」，而去英國要面對嘅語言問題相對較細，倫敦相對英國其他城市又更多元化，有更多工作機會，因此最後就選擇咗喺倫敦落腳。
問︰在工作假期期間，你曾經做過什麼工作？你又有修讀什麼短期課程嗎？
答︰喺呢兩年裡面，我試過不同嘅工作，長期短期都有。我做過教師、教學助理，褓母、派傳單同領隊，期間亦都有上網讀過啲同教學相關嘅短期課程。而男朋友亦都做返佢嘅專業，喺倫敦從事電腦相關工作。
問︰請分享你在工作假期中一個最難忘的經歷。
答︰其實整個旅程都有好多難忘嘅經歷，做褓母幫小朋友換片片、走入英國學校工作、喺London Eye（倫敦眼）前睇完除夕煙花被求婚、去唔同嘅國家旅行等，好多都好難忘。但最難忘嘅經歷應該就係喺英國學校做嘢嘅時間，作為一個non-native（非本地人）要教一班28個native（本地）小朋友，上至英文數學，下至常識科學，每日都要為聽日嘅教材教案拼博。但每次睇見小朋友開心嘅笑容，佢哋掌握知識嘅滿足感，每一句童言童語都令我覺得再辛苦都係值得嘅。最後我申請唔到working visa（工作簽證）要返香港，好多家長都好難過，到最後一日要同小朋友講再見時，大家都好傷心，好多小朋友都唔捨得走，因為大家都知道呢一別好可能係以後都唔會再見。但即使離別好傷感，我仍然好慶幸我有呢個機會見證住一班小朋友成長，同佢哋一齊進行過好多難忘嘅活動，陪佢哋度過咗小學階段嘅第一年。
問︰工作假期為你帶來最大的收穫是什麼？
答︰就工作方面，能夠係英國嘅學校做嘢，由一個教學助理做到教師，我體驗到英國嘅教育文化，我亦喺依段期間體會到外國教學同香港嘅不同之處。即使返到香港繼續教書，我仍然可以將喺英國得到嘅經驗應用喺而家嘅教學上。除此以外，學識點樣照顧自己，由洗衫煮飯，到財政分配，樣樣都好重要亦都有得著，呢啲係喺香港同屋企人同住比較難學到嘅嘢。
問︰對於那些打算到你目的地工作假期的青年人，你能否給他們三個貼士？
答︰
第一，要諗清楚去working holiday（工作假期）嘅目標係乜嘢，你想喺呢兩年内得到啲乜嘢，因為到時會有好多外在因素影響你做嘅決定，但唯有不忘初心，先可以令你呢個旅程無悔。
第二，大膽嘗試，融入當地，體會當地文化；人在外地，思鄉心切，自然好容易就會同「同鄉」聚埋一齊。但係難得去到第二個國家，當然要體驗一下人哋嘅文化，做下義工，多啲同當地人接觸，既可以豐富人生閱歷，亦可以了解當地文化，仲可以提升語言能力。
第三，要學識煮返幾味，當你想念媽媽飯餸的味道時你就會明白了。
問︰還有沒有什麼是你想補充的？
答︰喺搵工嘅過程中，唔少人都會為申請所需相關文件而煩惱，但有關嘅資料喺網上少之又少，所以我會建議唔好怕醜，主動去問下有經驗嘅前人。自己完成後，亦可以將經驗寫低，同其他有需要嘅人分享，將經驗傳承落去。
如果想了解點樣喺英國搵教育相關工作，或者如何申請無犯罪記錄證明，可以去我專頁了解： https://www.facebook.com/working.holiday.in.UK/
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)