The Most Liveable City
By
Travela (2019-2020 奧地利)
問︰你來自哪裡？
答︰香港。
問︰你什麼時候參加工作假期？
答︰2019年6月至2020年6月。
問︰你曾到哪裡工作假期？為什麼會選擇那個地方為目的地？
答︰Austria（奧地利）。這個神秘又低調的世界級國度，是比較新的選擇。網上雖然有好多申請攻略同懶人包，但親身經歷分享少之又少。我只想找個特別的地方，加上奧地利位於歐洲，可以順便歐遊，旁邊就是德國跟瑞士這些熱門旅遊地方。出走只因貪玩，帶著「活在當下」的生存概念，喜歡四圍旅行的我，經常幻想著可以在外國生活一段時間，體驗一下當地生活和文化、做有意義的事，希望每天都學到新事物。真正踏上旅途擴闊眼界，而非只是說說而已。
為什麼選擇奧地利？純粹因為覺得她很美，常聽說這地方令人猶如置身仙境般、是「世外桃源」、「最美湖邊童話小鎮」、「明信片天堂」、「十大世界文化遺產」其中之一。好奇的我就想探索一下，到底維也納怎樣才可以連續十年名列全球最宜居城市榜首？在這裡快一年了，我覺得他真的實至名歸！
問︰在工作假期期間，你曾經做過什麼工作？你又有修讀什麼短期課程嗎？
答︰本身諗得好完美㗎，諗住一個月就可以settle（安頓）好晒搵到工，點知少年太天真，只學咗三個月德文，又點會夠用……不停send cv（提交履歷）、見過幾份工，都仲喺搵唔到。當你花光所有積蓄，當下好崩潰又寄人籬下嘅時候，你就咩都要做。不過又未去到賣身嘅，做過下中餐廳廉價勞工，做過「白工」就會明「黑灰工」有幾慘，係幾咁辛苦同唔人道，搵食艱難，為咗搵嗰兩啖飯仔可以去到幾盡？洗下碗都要㗎喇，仲有咩好怕？唔係點交租？唔通真係去乞咩，雖然呢度做乞兒都分分鐘搵得多過我。
最後，搵工搵咗差不多半年，終於得到幸運之神眷顧，窮途末路之際，搵到份比較似樣嘅機場duty free（免稅店）。聽落幾好㗎，但唔識當地語言始終蝕底，可能人地講緊你你都唔知，又總會有啲阿姐喜歡hard time（為難）你，硬要同你講德文，再擺個臭臉出來比說話你聽。不過都長到少少知識嘅，有得上下堂仲有禮物攞添。
不厭其煩重申多次，德文真係好重要。「全世界最好住城市」福利真係好到無人有，特別喺假期方面，PT（Part-time，兼職）同FT（Full-time，全職）有同樣日數嘅有薪年假、星期日返工有double pay（雙糧），特別想講嘅係返工嘅進修資助特別多，只要你有份白工，無論你攞咩visa（簽證）、係咪FT，都可以去waff（The Vienna Employment Promotion Fund，維也納勞工市場機構）申請進修資助。例如學德文，只需要比10%學費，其他都由政府津貼。我都因為機場免稅店份工而申請到津貼，學咗四個月德文㗎。雖然奧地利係重稅國家，但係攞得返唔少，如果番工車程遠，甚至連車錢都有得補貼，所以計計埋埋，呢份工收入都算可觀。
問︰請分享你在工作假期中一個最難忘的經歷。
答︰應該係搵屋，雖然最後搵到處好人家，但之前都經歷過一番波折。我喺到埗之前已經搵定一間dorm（宿舍）住一個月，諗住一個月內可以搵到長住嘅地方，點知無咁易，可能咁啱個時好多人爭。其實我已經喺頭幾個月入面搬過三次，啱啱嚟到不停搵屋interview（面談），心好累，諗起都想喊。好好彩，經過幾個月終於搵到現時住緊嗰度，係第四間屋，個個朋友嚟到都話間屋好大，唔知係咪因為係飛機師屋企，所以特別大？我都好慶幸搵到呢間share house（合租房屋），識到個nice family（友善的家庭）。
問︰工作假期為你帶來最大的收穫是什麼？
答︰每個地方都有佢嘅獨特文化，呢度真係有work-life balance（工作生活平衡），假期多多，無論係生活定空氣都真係有質素。呢度有嘅係真正嘅生活，而唔係「奴隸獸」。真係學識獨立，咩都靠自己，一年話長唔長、話短唔短，呢邊無人無物咩都要學，咩都要自己搵，所有嘢由零開始。學會慢活，活在當下。錢雖然好重要，但並非全部，生命仲有好多其他嘢都一樣咁重要。
問︰對於那些打算到你目的地工作假期的青年人，你能否給他們三個貼士？
答︰
問︰還有沒有什麼是你想補充的？
答︰奧地利真係好靚！
Vienna — The world's greenest metropolis 2020（維也納—2020年世界最佳綠化都會）
多草多樹空氣自然好，Wien（維也納）有接近一半嘅地方都係green area（綠化空間）（200平方公里），總有一個公園喺左近。 Schönbrunn Palace Garden（美泉宮花園）、Stadtpark（市政公園）、Kurpark Oberlaa（奥伯拉溫泉公園）、Volksgarten（人民公園）、The Prater（普拉特公園）仲係amusement park（主題公園）添，咁就可以hea一個晏畫，好天就出去chill chill佢（放鬆享受）。
Recreation（康樂活動）有好多，主要同大自然有關，呢度根本係人傑地靈、洗滌心靈嘅好地方，有山有水，雖然無海，但有條藍色多瑙河，想看河可以去Donau Park（多瑙河公園）、Donau-Auen National Park （多瑙河奧恩國家公園）、Alte Donau（老多瑙河）、Donauinsel（多瑙島）、Donaukanal（多瑙河運河）。
Austria嘅水喉水係飲得㗎，仲要甜嗰隻。天然泉水每日新鮮來自Styrian（施蒂里亞）／Lower Austrian Alps（下奧地利阿爾卑斯山脈）。但如果你飲唔慣，想買支裝水，就要睇清楚佢有氣定無氣，“ohne”即係無；“prickeind/ funkelnd/ Sprudel” 就有氣。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
答︰香港。
問︰你什麼時候參加工作假期？
答︰2019年6月至2020年6月。
問︰你曾到哪裡工作假期？為什麼會選擇那個地方為目的地？
答︰Austria（奧地利）。這個神秘又低調的世界級國度，是比較新的選擇。網上雖然有好多申請攻略同懶人包，但親身經歷分享少之又少。我只想找個特別的地方，加上奧地利位於歐洲，可以順便歐遊，旁邊就是德國跟瑞士這些熱門旅遊地方。出走只因貪玩，帶著「活在當下」的生存概念，喜歡四圍旅行的我，經常幻想著可以在外國生活一段時間，體驗一下當地生活和文化、做有意義的事，希望每天都學到新事物。真正踏上旅途擴闊眼界，而非只是說說而已。
為什麼選擇奧地利？純粹因為覺得她很美，常聽說這地方令人猶如置身仙境般、是「世外桃源」、「最美湖邊童話小鎮」、「明信片天堂」、「十大世界文化遺產」其中之一。好奇的我就想探索一下，到底維也納怎樣才可以連續十年名列全球最宜居城市榜首？在這裡快一年了，我覺得他真的實至名歸！
問︰在工作假期期間，你曾經做過什麼工作？你又有修讀什麼短期課程嗎？
答︰本身諗得好完美㗎，諗住一個月就可以settle（安頓）好晒搵到工，點知少年太天真，只學咗三個月德文，又點會夠用……不停send cv（提交履歷）、見過幾份工，都仲喺搵唔到。當你花光所有積蓄，當下好崩潰又寄人籬下嘅時候，你就咩都要做。不過又未去到賣身嘅，做過下中餐廳廉價勞工，做過「白工」就會明「黑灰工」有幾慘，係幾咁辛苦同唔人道，搵食艱難，為咗搵嗰兩啖飯仔可以去到幾盡？洗下碗都要㗎喇，仲有咩好怕？唔係點交租？唔通真係去乞咩，雖然呢度做乞兒都分分鐘搵得多過我。
最後，搵工搵咗差不多半年，終於得到幸運之神眷顧，窮途末路之際，搵到份比較似樣嘅機場duty free（免稅店）。聽落幾好㗎，但唔識當地語言始終蝕底，可能人地講緊你你都唔知，又總會有啲阿姐喜歡hard time（為難）你，硬要同你講德文，再擺個臭臉出來比說話你聽。不過都長到少少知識嘅，有得上下堂仲有禮物攞添。
不厭其煩重申多次，德文真係好重要。「全世界最好住城市」福利真係好到無人有，特別喺假期方面，PT（Part-time，兼職）同FT（Full-time，全職）有同樣日數嘅有薪年假、星期日返工有double pay（雙糧），特別想講嘅係返工嘅進修資助特別多，只要你有份白工，無論你攞咩visa（簽證）、係咪FT，都可以去waff（The Vienna Employment Promotion Fund，維也納勞工市場機構）申請進修資助。例如學德文，只需要比10%學費，其他都由政府津貼。我都因為機場免稅店份工而申請到津貼，學咗四個月德文㗎。雖然奧地利係重稅國家，但係攞得返唔少，如果番工車程遠，甚至連車錢都有得補貼，所以計計埋埋，呢份工收入都算可觀。
問︰請分享你在工作假期中一個最難忘的經歷。
答︰應該係搵屋，雖然最後搵到處好人家，但之前都經歷過一番波折。我喺到埗之前已經搵定一間dorm（宿舍）住一個月，諗住一個月內可以搵到長住嘅地方，點知無咁易，可能咁啱個時好多人爭。其實我已經喺頭幾個月入面搬過三次，啱啱嚟到不停搵屋interview（面談），心好累，諗起都想喊。好好彩，經過幾個月終於搵到現時住緊嗰度，係第四間屋，個個朋友嚟到都話間屋好大，唔知係咪因為係飛機師屋企，所以特別大？我都好慶幸搵到呢間share house（合租房屋），識到個nice family（友善的家庭）。
問︰工作假期為你帶來最大的收穫是什麼？
答︰每個地方都有佢嘅獨特文化，呢度真係有work-life balance（工作生活平衡），假期多多，無論係生活定空氣都真係有質素。呢度有嘅係真正嘅生活，而唔係「奴隸獸」。真係學識獨立，咩都靠自己，一年話長唔長、話短唔短，呢邊無人無物咩都要學，咩都要自己搵，所有嘢由零開始。學會慢活，活在當下。錢雖然好重要，但並非全部，生命仲有好多其他嘢都一樣咁重要。
問︰對於那些打算到你目的地工作假期的青年人，你能否給他們三個貼士？
答︰
1)
想搵到份比較好嘅工？有心就學埋德文先過嚟。B1（德文程度）基本啦，你想嚟到先學都可以，預返要學半年時間。
2)
Housing（住屋）你可以從幾個渠道搵，主要係Facebook group（社交平台群組）例如：WG-Zimmer in Wien Gesucht!、Airbnb（出租住宿網站）（價錢雙倍起跳）、WeChat（即時通訊軟體），睇你想同咩人住啦。
3)
星期日係family day（家庭日）無得行街街㗎（所有公眾假期都係），超市都唔開，不過你都仲可以去church（教堂）、museum（博物館）、公園hea（消磨時間）下，或者去Bratislava（布拉提斯拉瓦）一日遊等等。商店方面連星期六都會收早㗎，記得留意時間，想買野要預早啲。
問︰還有沒有什麼是你想補充的？
答︰奧地利真係好靚！
Vienna — The world's greenest metropolis 2020（維也納—2020年世界最佳綠化都會）
多草多樹空氣自然好，Wien（維也納）有接近一半嘅地方都係green area（綠化空間）（200平方公里），總有一個公園喺左近。 Schönbrunn Palace Garden（美泉宮花園）、Stadtpark（市政公園）、Kurpark Oberlaa（奥伯拉溫泉公園）、Volksgarten（人民公園）、The Prater（普拉特公園）仲係amusement park（主題公園）添，咁就可以hea一個晏畫，好天就出去chill chill佢（放鬆享受）。
Recreation（康樂活動）有好多，主要同大自然有關，呢度根本係人傑地靈、洗滌心靈嘅好地方，有山有水，雖然無海，但有條藍色多瑙河，想看河可以去Donau Park（多瑙河公園）、Donau-Auen National Park （多瑙河奧恩國家公園）、Alte Donau（老多瑙河）、Donauinsel（多瑙島）、Donaukanal（多瑙河運河）。
Austria嘅水喉水係飲得㗎，仲要甜嗰隻。天然泉水每日新鮮來自Styrian（施蒂里亞）／Lower Austrian Alps（下奧地利阿爾卑斯山脈）。但如果你飲唔慣，想買支裝水，就要睇清楚佢有氣定無氣，“ohne”即係無；“prickeind/ funkelnd/ Sprudel” 就有氣。
提提你：以上各個參加者的經驗分享乃屬個人意見，並不代表勞工處的立場。工作假期參加者在出發前應做好資料搜集，以取得最新和有效的資訊。
(Chinese version only)